அன்பால் இணைவோம்! அனைவருக்கும் உதவுவோம்!
அன்பால் இணைவோம்! அனைவருக்கும் உதவுவோம்!
உலகில் உள்ள உயிர்கள் அனைத்தும் பிறப்பதும்
இருப்பதும் இறப்பதும்
வாழ்வதும் வீழ்வதும்
உயர்வதும் தாழ்வதும் என
நடப்பது அனைத்தும்
நாம்செய்த வினைப்பயன்
என்பதை உணர்ந்து
உலகினர் அனைவரும்
உறவினராய் ஒரு தாய்ப்
பெற்ற பிள்ளைகளாய்
அமெரிக்கா முதல்
ஆண்டிப்பட்டி வரையுள்ள
ஆயிரம் சாதிகளழிய
இனம் மொழி
மதம் கடந்து
அனைவரும் சகோதரர்களென
அன்பால் இணைந்து வாழ
அகிலம் ஆனது அன்னை மடியாய்!
நதிகளை ஒழித்து
நன்மரங்களை அழித்து
நல்சுவாசம் தொலைத்து
நச்சுக்காற்றால் பிணித்து
வாழும் நாள் குறைத்து
வீழும்நாள் குறித்து
நமக்கு நாமே உருவாக்கிய
நரகம் நகரம்!
அந்நிய நாட்டில் அடிமையைப் போல்
ஆணிவேரற்ற மரங்களாய்
இன்பம் இழந்து
ஊதியத்திற்காய் வாழும்
நிலை ஒழிந்து
இளைஞர் அறிவு
இணையற்ற சக்தியாய் உருவெடுக்க
உலகம் போற்றிடும்
உன்னத பூமியாய்
நமக்காய் மலரட்டும்!
நாளைய இந்தியா!
