ரௌத்திரம் பழகு

அன்னைமொழி புகழ் அகிலம் பரவிட

அதிகாரவர்க்கம் கதிகலங்கி அரண்டு புரண்டிட

ஆங்கில மோகம் அடங்கி ஒடுங்கிட

உழவுத்தொழில் உயர்வை மனிதகுலம் உணர்ந்திட

உழவரின் உழைப்பை உலகம் போற்றிட

ஊழல் மறைந்து உழைப்பு பெருகிட

கையூட்டு பெறுபவர் கைகள் நடுங்கிட

சண்டைகள் குறைந்து சமாதானம் நிலவிட

சாதிகள் அழிந்து சழக்குகள் மறைந்திட

தமிழனின் பெருமை தரணி அறிந்திட

மனிதநேயம் மனிதர் மனங்களில் நிறைந்திட

மனிதனை மனிதன் மனிதனாய் மதித்திட

மனிதா தமிழா ரௌத்திரம் பழகிடு!