முதல் பருவம் – அலகு -3 வினா விடை

முதல் பருவம்

அலகு-3 அற இலக்கியம்

குறுவினாக்கள்

  • பதினெண்கீழ்க்கணக்கு நூல்களில் எவையேனும் நான்கினை எழுதுக.
    • திருக்குறள் 
    • நாலடியார்
    • நான்மணிக்கடிகை
    • பழமொழி நானூறு
    • இனியவை நானூறு
  • திருக்குறள் குறிப்பு வரைக.
    • எழுதியவர்: திருவள்ளுவர்
    • முப்பால்: அறத்துப்பால், பொருட்பால், இன்பத்துப்பால்
    • அதிகாரங்கள்: 133
    • குறட்பாக்கள்: 1330
  • திருக்குறளுக்கு வழங்கும் வேறு பெயர்கள் நான்கினை எழுதுக.
    • உத்தரவேதம் 
    • பொய்யாமொழி 
    • வாயுறை வாழ்த்து
    • தெய்வநூல்
    • உலகப் பொதுமறை
    • முப்பால்
    • தமிழ்மறை
  • திருவள்ளுவருக்கு வழங்கப்படும் வேறு பெயர்கள் எவையேனும் நான்கினை எழுதுக.
    • முதற்பாவலர்
    • தெய்வப்புலவர் 
    • செந்நாப்போதார்
    • பெருநாவலர்
    • தெய்வப்புலவர்
    • நாயனார்
    • தேவர்
  • அறத்திற்கு பொருந்தாதவை எவை?
    • பொறாமை
    • பேராசை
    • சினம்
    • கொடிய சொல்
  • நாலடியார் குறிப்பு வரைக.
    • எழுதியோர்: சமண முனிவர்கள்
    • தொகுத்தவர்: பதுமனார்
    • பாடல் எண்ணிக்கை: 400
    • வேறுபெயர்: நாலடி நானூறு, வேளாண் வேதம்
  • உண்மையான அழகு எது?  
    • கல்வி அழகே உண்மையான அழகு ஆகும்.
  • மற்ற அழகுகளைவிடச் சிறந்த அழகு என்று நாலடியார் எதைக் கூறுகிறது?
    • கல்வி அழகே மற்ற அழகுகளைவிடச் சிறந்த அழகு என்று நாலடியார்  கூறுகிறது.
  • உண்மையான அழகுகள் ஆகாதவை எவை?
    • தலைமுடியால் ஏற்படும் அழகு
    • பட்டுக்கரையால் ஏற்படும் அழகு
    • மஞ்சள் பூசுவதால் ஏற்படும் அழகு 

ஆகியவை உண்மையான அழகு ஆகாது. 

  • நான்மணிக்கடிகை குறிப்பு வரைக.
    • ஆசிரியர்: விளம்பி நாகனார்
    • பாடல் எண்ணிக்கை: 104
    • பெயர்க்காரணம்: நான்கு மணிகளால் செய்யப்பட்ட அணிகலன் போல பாடல்தோறும் நான்கு கருத்துக்களைக் கொண்டுள்ளதால் இப்பெயர் பெற்றது.
  • நிலத்திற்கு அழகு சேர்ப்பவை யாவை?
    • நிலத்திற்கு அழகு சேர்ப்பது நெல்லும் கரும்பும் ஆகும்.
  • குளத்திற்கு அழகு சேர்ப்பது எது?
    • குளத்திற்கு அழகு சேர்ப்பது தாமரை மலர்கள்  ஆகும்.
  • பெண்களுக்கு அழகு சேர்ப்பது எது?
    • பெண்களுக்கு அழகு சேர்ப்பது நாணம்   ஆகும்.
  • நம் ஒவ்வொருவருக்கும் அழகு சேர்ப்பது எது?
    • நம் ஒவ்வொருவருக்கும் அழகு சேர்ப்பது நாம் செய்யும் அறச்செயல்கள் ஆகும்.
  • பழமொழி நானூறு குறிப்பு வரைக.
    • ஆசிரியர்: முன்றுறை அரையனார்
    • பாடல் எண்ணிக்கை:400
    • பெயர்க்காரணம்:  ஒவ்வொரு பாடலின் இறுதியிலும் பழமொழி இடம்பெறுவதால் பழமொழி நானூறு எனும் பெயர் பெற்றது.
  • முதுசொல் என்பதன் பொருள் யாது?
    • முதுசொல் என்பதன் பொருள் பழமொழி என்பதாகும்.
  • இனியவை நாற்பது குறிப்பு வரைக.
    • ஆசிரியர்: பூதஞ்சேந்தனார்
    • பாடல் எண்ணிக்கை:40+1 கடவுள் வாழ்த்து
    • பெயர்க்காரணம்: இவை இவை இனியவை என நாற்பது பாடல்களில் குறிப்பிடுவதால் இனியவை நாற்பது எனும் பெயர் பெற்றது.
  • இளமையை __________உணர்தல் இனிது.
    • இளமையை மூப்பென்று உணர்தல் இனிது.
  • கிளைஞர் மாட்டு __________கேட்டல் இனிது.
    • கிளைஞர் மாட்டு  அச்சின்மை (அச்சமில்லாத) கேட்டல் இனிது.
  • தடமென் பணைத்தோள் தளிரியலாரை __________உணர்தல் இனிது.
    • தடமென் பணைத்தோள் தளிரியலாரை விடமென்று உணர்தல் இனிது.
  • “தடமென் பணைத்தோள் தளிரியலார்” –  யார்?
    • தடமென் பணைத்தோள் தளிரியலார் என்போர் பிறமகளிர் ஆவர்.

நெடுவினாக்கள்

  • அறன் வலியுறுத்தல் அதிகாரத்தில் இடம்பெற்றுள்ள அறக்கருத்துக்களைத் தொகுத்து எழுதுக.

    திருக்குறள்

      • எழுதியவர்: திருவள்ளுவர்
      • முப்பால்: அறத்துப்பால், பொருட்பால், இன்பத்துப்பால்
      • அதிகாரங்கள்: 133
      • குறட்பாக்கள்: 1330

அறன் வலியுறுத்தல்

  • அறவழியில் வரும் சிறப்பும் செல்வமும் ஒருவருக்குச் சிறந்த பயனைத் தரும். இந்த ஒன்றைத் தவிர ஆக்கம் அளிக்கக்கூடிய வழி வேறொன்றும் இல்லை. 
  • நன்மைகளின் விளைநிலமாக இருக்கும் அறத்தைப் போல் ஒருவருடைய வாழ்க்கைக்கு ஆக்கம் தரக்கூடியது எதுவுமில்லை; அந்த அறத்தை மறப்பதை விடத் தீமையானதும் வேறில்லை.
  • செய்யக்கூடிய செயல்கள் எவையாயினும் அறவழியிலேயே செய்யப்பட வேண்டும். 

    • ஒல்லும் வகையான் அறவினை ஓவாதே

      செல்லும்வாய் எல்லாஞ் செயல்.  

  • மனம் தூய்மையாக இருப்பதே அறம் ஆகும். மற்றவை ஆரவாரத்தைத் தவிர வேறொன்றும் இல்லை. 

    • மனத்துக்கண் மாசிலன் ஆதல் அனைத்தறன்

      ஆகுல நீர பிற. 

  • பொறாமை, ஆசை, சினம், கடுஞ்சொல் ஆகிய நான்கையும் நீக்கி வாழ்வதே அறம் ஆகும். 
  • பிறகு பார்த்துக்கொள்ளலாம் என்று நாள் கடத்தாமல் அறவழியை மேற்கொண்டால் அது ஒருவர் இறந்தபின் கூட அழியாப் புகழாய் நிலைத்துத் துணை நிற்கும்.

    • அன்றறிவாம் என்னாது அறஞ்செய்க மற்றது

      பொன்றுங்கால் பொன்றாத் துணை.

  • அறவழியில் நடப்பவர்கள் பல்லக்கில் உட்கார்ந்து செல்பவர்களைப் போல வாழ்க்கையில் வரும் இன்ப துன்பங்கள் இரண்டையும் எளியவையெனக் கருதி மகிழ்வுடன் பயணத்தை மேற்கொள்வார்கள். தீய வழிக்குத் தங்களை ஆட்படுத்திக் கொண்டவர்களோ பல்லக்கைத் தூக்கிச் சுமப்பவர்களைப் போல இன்பத்திலும் அமைதி கொள்ளாமல், துன்பத்தையும் தாங்கிக் கொள்ளும் மனப்பக்குவமின்றி வாழ்வையே பெரும் சுமையாகக் கருதுவார்கள்.
  • பயனற்றதாக ஒருநாள்கூடக் கழிந்து போகாமல், தொடர்ந்து நற்செயல்களில் ஈடுபடுபவருக்கு வாழ்க்கைப் பாதையைச் சீராக்கி அமைத்துத் தரும் கல்லாக அந்த நற்செயல்களே விளங்கும்.

    • வீழ்நாள் படாஅமை நன்றாற்றின் அஃதொருவன்

      வாழ்நாள் வழியடைக்கும் கல்.

  • அறவழி வாழ்க்கையில் வருகின்ற புகழால் ஏற்படுவதே இன்பம் ஆகும். அதற்கு மாறான வழியில் வருவது இன்பம் ஆகாது. 
  • பழிக்கத்தக்க செயல்களைச் செய்யாமல் பாராட்டத்தக்க அறச் செயல்களைச் செய்வதே ஒருவருக்குப் புகழ் சேர்க்கும். 

    • செயற்பால தோரும் அறனே ஒருவற்கு

      உயற்பால தோரும் பழி. 

  • நாலடியார் பாடலை எழுதி விளக்குக.

நாலடியார்

    • எழுதியோர்: சமண முனிவர்கள்
    • தொகுத்தவர்: பதுமனார்
    • பாடல் எண்ணிக்கை: 400
    • வேறுபெயர்: நாலடி நானூறு, வேளாண் வேதம்

பாடல்

குஞ்சி அழகும் கொடுந்தானைக் கோட்டழகும்
மஞ்சள் அழகும் அழகல்ல – நெஞ்சத்து
நல்லம்யாம் என்னும் நடுவு நிலைமையால்
கல்வி அழகே அழகு.

விளக்கம்

    • நம் தலையில் உள்ள முடிகளைச் சீர்ப்படுத்துவதால் வருகின்ற அழகும், கரையுள்ள ஆடையை அணிவதால் உண்டாகும் அழகும், மஞ்சள் பூசுவதால் உண்டாகின்ற அழகும் உண்மையான அழகல்ல.  மாறாக, அறநெறியில் நடந்து, நடுவுநிலைமையோடு வாழ்கின்றோம் என்ற பெருமிதத்தைத் தருகின்ற கல்வியே உண்மையான அழகாகும். 

  • நான்மணிக்கடிகை பாடலை எழுதி விளக்குக.

நான்மணிக்கடிகை

    • ஆசிரியர்: விளம்பி நாகனார்
    • பாடல் எண்ணிக்கை: 104
    • பெயர்க்காரணம்: நான்கு மணிகளால் செய்யப்பட்ட அணிகலன் போல பாடல்தோறும் நான்கு கருத்துக்களைக் கொண்டுள்ளதால் இப்பெயர் பெற்றது.

பாடல்

நிலத்துக்கு அணியென்ப நெல்லும் கரும்பும்
குளத்துக்கு அணியென்ப தாமரை பெண்மை
நலத்துக்கு அணியென்ப நாணம் தனக்கணி
தான்செல் உலகத்(து) அறம்.

விளக்கம்

    • பசுமையாகக் காணப்படும் நெல்லும், கரும்பும் நிலத்திற்கு அழகைத் தருகின்றன. 
    • குளத்திற்குத் தாமரை மலர்கள் அழகைத் தருகின்றன.
    • பெண்மைக்கு அழகு நாணமுடைமை. 
    • அதுபோல பிறருக்குச் செய்கின்ற அறச் செயல்கள்  ஒரு மனிதனுக்கு அழகைத் தருகின்றன.
  • பழமொழி நானூறு பாடலை எழுதி விளக்குக.

பழமொழி நானூறு

    • ஆசிரியர்: முன்றுறை அரையனார்
    • பாடல் எண்ணிக்கை:400
    • பெயர்க்காரணம்:  ஒவ்வொரு பாடலின் இறுதியிலும் பழமொழி இடம்பெறுவதால் பழமொழி நானூறு எனும் பெயர் பெற்றது.

பாடல்

தந்நடை நோக்கார் தமர்வந்த வாறறியார்
செந்நடை சேராச் சிறியார்போல் ஆகாது
நின்னடை யானே நடவத்தா நின்னடை
நின்னின் றறிகிற்பார் இல்.

விளக்கம்

    • சிறுமைக் குணமுடையவர் தம் நடத்தையைத் தாம் எண்ணிப் பார்ப்பதில்லை.

    • தாம் எப்படி இந்த நிலைமைக்கு வந்தோம் என்றும் எண்ணிப் பார்ப்பதில்லை.

    • செம்மையான நன்னடத்தையைக் கடைப்பிடிப்பதில்லை.
      இத்தகைய சிறியார் போல நீ நடந்துகொள்ளக் கூடாது.

    • உன்னுடைய பெருமைக்கு ஏற்ற நடத்தையைப் பின்பற்றுக.
      உன்னுடைய நடத்தையை உன்னைத் தவிர வேறு யார் அறிந்துகொள்ள முடியும்?

    • ஆதலால் உன் பெருமைக்கு ஏற்ற நடத்தையை நீதான் பின்பற்ற வேண்டும்.

  • இனியவை நாற்பது பாடலை எழுதி விளக்குக.

இனியவை நாற்பது

    • ஆசிரியர்: பூதஞ்சேந்தனார்
    • பாடல் எண்ணிக்கை:40+1 கடவுள் வாழ்த்து
    • பெயர்க்காரணம்: இவை இவை இனியவை என நாற்பது பாடல்களில் குறிப்பிடுவதால் இனியவை நாற்பது எனும் பெயர் பெற்றது.

பாடல்

இளைமையை மூப்பென் றுணர்தல் இனிதே
கிளைஞர்மாட் டச்சின்மை கேட்டல் இனிதே
தடமென் பணைத்தோள் தளிரிய லாரை
லிடமென் றுணர்தல் இனிது.

விளக்கம்

    • இளவயதிலேயே முதுமை தருகின்ற மனப்பக்குவம் பெற்றிருப்பது இனிது.  
    • உறவினர்கள் அன்புமொழி கூறுபவராக அமைவது இனிது.
    • மென்மையான மூங்கில் போன்ற தோள்களைக் கொண்ட பிற மகளிர் நஞ்சைப் போன்றவர் எனத் தெளிந்து விட்டு விலகிவிடுதல் இனிது.

 

மூன்றாம் பருவம் – அலகு 4- வினா விடைகள்

 மூன்றாம் பருவம்

அலகு – 4 – குறுவினாக்கள் மற்றும் விடைகள்

  • முதல் ஐந்தாண்டு திட்டம் எப்போது  தொடங்கப்பட்டது?
    • முதல் ஐந்தாண்டு திட்டம் 1951 தொடங்கப்பட்டது.
  • தமிழ்நாட்டில் கட்டப்பட்டுள்ள அணைகளைப் பட்டியலிடுக.
    •  பவானிசாகர் அணை (1956)
    • அமராவதி அணை (1957)
    • மணிமுத்தாறு அணை (1958)
    • வைகை அணை (1959)
    • ஆழியாறு அணை (1962)
  • மத்திய அரசாங்கத்தால் தொடங்கப்பட்ட தொழிற்சாலைகளைப் பட்டியலிடுக.
    • நெய்வேலிப் பழுப்பு நிலக்கரித் திட்டம்
    • இணைப்பு இரயில்பெட்டித் தொழிற்சாலை
    • எண்ணூர் அனல்மின்சார நிலையம்
    • மணலி மண்ணெண்ணெய் சுத்திகரிப்பு செய்யும் தொழிற்சாலை
    • திருவெறும்பூர்: உயர் அழுத்தக் கொதிகலன் தொழிற்சாலை.
    • ஆவடி: டாங்கித் தொழிற்சாலை.
    • கல்பாக்கம்: மின்அணு நிலையம்.
  • நிலவுடைமை உச்சவரம்பு சட்டம் குறித்து எழுதுக.  
    • தமிழ்நாட்டு அரசாங்கம் சட்டத்தின் மூலம் நிலவுடைமைக்கு உச்சவரம்பு 15 ஏக்கர்களுக்குமேல் உரிமை கொண்டாட முடியாது என்று திட்டம் கொண்டு வந்தது. நிலமின்றி வாழ்ந்த மக்களுக்கு நிலங்கள் பங்கீடு செய்யப்பட்டன.
  • இந்தி எதிர்ப்பு போராட்டம் குறித்து எழுதுக.
    • இந்தியா சுதந்திரம் அடைந்த பிறகு, மத்திய அரசு இந்தியைப் பள்ளிகளில் கட்டாயப் பாடமாக்காது என்று அறிவித்தது. ஆனால் சென்னை மாகாண முதலமைச்சர் ஓ.பி. இராமசாமி ரெட்டியாரைக்கொண்ட அமைச்சரவை மீண்டும் இந்தியைக் கட்டாயப் பாடமாக்க முயன்றது.
    • இந்தி எதிர்ப்புப் போராட்டம் (1948): தமிழறிஞர்கள், சமயவாதிகள், காங்கிரஸ் உள்ளிட்ட பல கட்சித் தலைவர்கள் மீண்டும் ஒன்று சேர்ந்தனர். 17.7.1948இல் சென்னையில் கண்டனக் கூட்டம் நடத்தப்பட்டது.
  • அரசியல் அமைப்பில் மொழிக் கொள்கை குறித்து எழுதுக.
    • அரசியலமைப்பில் மொழிக் கொள்கை (1950): இந்திய அரசியலமைப்பில் 343வது பிரிவில் இந்தியாவின் ஆட்சி அலுவல் மொழியாக இந்தி இருக்கும் என்று கூறப்பட்டது. 351வது பிரிவு, இந்தி மொழியைப் பரவச் செய்வதும், வளமுறச் செய்வதும் இந்திய அரசின் கடமை என்று அமைந்து இருந்தது.
  • தார்ப்பூசி அழிக்கும்  போராட்டம் என்றால் என்ன?
    • புகைவண்டி நிலையம், அஞ்சல் நிலையம் மற்றும் மத்திய அரசு அலுவலகங்களில் உள்ள பெயர்ப்பலகைகளில் காணப்படும் இந்தி எழுத்துக்களை தார்பூசி அழிக்கும் போராட்டம் ஆரம்பமானது.
  • வானொலிக்கு எதிரான போராட்டம் என்றால் என்ன? 
    • மத்திய அரசு வானொலிக்கு ‘ஆகாஷ்வாணி’ என்று பெயர் சூட்டுவதாக அறிவித்ததற்கு எதிராக 23.5.1959இல் போராட்டம் ஆரம்பமானது. தமிழ் எழுத்தாளர்கள், பாடகர்கள், பேச்சாளர்கள் கலந்துகொண்டனர். 
  • இந்திய ஆட்சிமொழி சட்டம் எந்த ஆண்டு கொண்டுவரப்பட்டது? 
    • 13.4.1963இல் இந்திய அரசின் ஆட்சிமொழிச் சட்டம் தாக்கல் செய்யப்பட்டது.
    • இதன்படி, 26.1.1965 முதல் இந்தி ஆட்சி மொழியாகும், ஆங்கிலம் துணை மொழியாகப் பயன்படுத்தப்படும்.
  • இடைநிலை கல்வித் திட்டம் குறித்து எழுதுக.
    • வேலைவாய்ப்புகளைப் பெறுவதற்கு ஏதுவாக கணினிக் கல்வியும் தொழில் கல்வியும் வழங்கப்படுகின்றன. மத்திய அரசின் ‘அனைவருக்கும் இடைநிலைக் கல்வித் திட்டம்’ செயல்படுத்தப்படுகிறது.
  • சமுக நலத்திட்டங்களைப் பட்டியலிடுக.
    • பிச்சைக்காரர் மறுவாழ்வு திட்டம் (1970).
    • கண்ணொளி வழங்கும் திட்டம் (1971)
    • இலவச சைக்கிள் ரிக்ஷா வழங்கும் திட்டம் (1973).
    • ஊனமுற்றோர் மறுவாழ்வு திட்டம் (1974).
    • அனாதை சிறுவர்கள் மறுவாழ்வு திட்டம் (1975).
    •  தொட்டில் குழந்தை திட்டம்
    • பசுமைவீடு திட்டம்
  • கண்ணொளி வழங்கும் திட்டம் குறித்து எழுதுக.
    • கண்தானத்தை ஊக்குவிக்கும் திட்டம் 
    • லட்சக்கணக்கானோர் கண்ணொளி பெற்றனர்; இத்திட்டம் பின்னர் மத்திய அரசால் தேசிய அளவில் பின்பற்றப்பட்டது.
  • குடிசைத்தொழில்கள் சிலவற்றை எழுதுக. 
    • பட்டுப் பூச்சி வளர்த்தல்
    • மரச்சாமான்கள்
    • தேனீ வளர்ப்பு
    • மண்பாண்டத் தொழில்
    • பாய் முடைதல்
    • கோழி வளர்ப்பு
    • பண்ணைத் தொழில்
    • கதர், கைத்தறிப் பொருட்கள் தயாரித்தல்
  • இந்திய கனிமங்கள் யாவை?  அல்லது இந்தியாவில் கிடைக்கும் கனிமங்களைப் பட்டியலிடுக.
    • நிலக்கரி
    • இரும்பு
    • மாங்கனீசு
    • பாக்ஸைட்
    • மைக்கா
  • இந்தியாவில் இருந்து ஏற்றுமதி செய்யப்படும் உலோகங்கள் யாவை?  
    • மாங்கனீசு
    • பாக்சைட்
    • ஜிப்சம்
  • இந்தியாவிற்கு  இறக்குமதி செய்யப்படும் உலோகங்கள் யாவை? 
    • நிக்கல்
    • பெட்ரோலியம்
    • துத்தநாகம்
    • பாதரசம்
  • தமிழ்நாடு மின்சார வாரியம் எந்த ஆண்டு தொடங்கப்பட்டது?
    • 1957இல் ‘தமிழ்நாடு மின்சார வாரியம்’ தொடங்கப்பட்டது.
  • தகவல் தொடர்பு – விளக்கம் தருக.
    • தகவல் தொடர்பு என்பது ஓர் இடத்திலிருந்து தொலைவில் உள்ள மற்றொரு இடத்தோடு தகவல்களைப் பரிமாறிக் கொள்ளப் பயன்படுத்தும் அமைப்பு மற்றும் அதற்கான கருவிகள் ஆகும்.
  • இணையப் பயன்பாடுகள் குறித்து எழுதுக. (அல்லது) இணையம் வழங்கும் வசதிகளை ப் பட்டியலிடுக. 
    • வலைதளப்பக்கங்கள்
    • மின்னஞ்சல்
    • பல மொழிகளில் செய்திகள்
    • ஒளிப்படங்கள்
  • வன்பொருள், மென்பொருள் உட்பிரிவுகள் குறித்து எழுதுக.
    • உற்பத்தி, பரிசோதிப்பு, தரக்கட்டுப்பாடு, விற்பனை, பராமரிப்பு, ஆய்வு மற்றும் மேம்பாடு போன்ற உட்பிரிவுகளைக் கொண்டுள்ளன.
  • தனிப்பட்ட தகவல் தொடர்பு என்றால் என்ன? 
    • தனிப்பட்ட தொடர்பு என்பது இரண்டு அல்லது அதற்கு மேற்பட்ட நபர்களுக்கிடையே கருத்துக்கள், எண்ணங்கள் மற்றும் தகவல்களைப் பரிமாறிக்கொள்ளும் ஒரு செயல்முறையாகும்.
    • தபால், தந்தி
  • பொதுத் தகவல் தொடர்பு என்றால் என்ன?
    • பொதுத் தகவல் தொடர்பு என்பது, செய்தித்தாள், வானொலி, தொலைக்காட்சி போன்ற ஊடகங்கள் வழியாக ஒரே நேரத்தில் லட்சக்கணக்கான மக்களைச் சென்றடையும் தகவல்தொடர்பு முறையாகும்.
  • முதல் தபால் தலை எங்கு எப்போது வெளியிடப்பட்டது?
    • 1852 இல் முதல் தபால் தலை கராச்சியில் வெளியிடப்பட்டது.
  • தமிழ் இணையக் கல்விக்கழகம் பற்றி எழுதுக. 
    • நோக்கம்: இணையம் வழியாகத் தமிழ் ஆதாரங்களை (மொழி, இலக்கியம், கலை, பண்பாடு) தமிழ்ச் சமுதாயத்தினருக்கும், தமிழ் ஆர்வலர்களுக்கும் அளிப்பது.
    • நிறுவல்: 18.5.2000இல் தமிழக அரசால் நிறுவப்பட்டு, 16.07.2010இல் ‘தமிழ் இணையப் பல்கலைக்கழகமாக’ இருந்து ‘தமிழ் இணையக் கல்விக்கழகமாக’ பெயர் மாற்றம் செய்யப்பட்டது.

நெடுவினாக்கள்

  • விடுதலைக்குப் பின் தமிழ்நாடு பெற்ற வளர்ச்சி குறித்து எழுதுக. (அல்லது) விடுதலைக்குப் பின் தமிழகத்தின் வளர்ச்சி குறித்து விரித்துரைக்க. 

விடுதலைக்குப் பின் தமிழ்நாட்டு வரலாறு

விடுதலைக்குப் பிந்தைய தமிழ்நாட்டில், நாட்டின் எல்லாப் பகுதிகளிலும் நிலவிய ஏற்றத்தாழ்வுகளைக் களைய, பல்வேறு துறைகளிலும் ஐந்தாண்டுத் திட்டங்கள் வகுக்கப்பட்டன.

  • ஐந்தாண்டுத் திட்டங்கள்: 
    • முதல் திட்டம்: 1951
    • இரண்டாம் திட்டம்: 1956
    • மூன்றாம் திட்டம்: 1961
    • நான்காம் திட்டம்: 1969
    • ஐந்தாம் திட்டம்: 1974
    • அடுத்த திட்டம்: 1980 இந்தத் திட்டங்களின் முக்கிய நோக்கம், உழவுத் தொழில் மற்றும் கனரகத் தொழில்களின் வளர்ச்சி ஆகும். இத்திட்டங்களின் பயனாக, தமிழகத்தில் வேளாண்மையிலும், கனரகத் தொழில்களிலும் வளர்ச்சி காணப்பட்டது.

பல்வேறு துறைகளில் முன்னேற்றம்

  • வேளாண்மை வளர்ச்சி:
      • விடுதலைக்குப் பிறகு பல இரசாயன உர உற்பத்தி ஆலைகள் தோன்றி உழவுக்குத் தேவையான உரங்களை வழங்கின. கோவை, தஞ்சை மாவட்டங்களில் இருந்து டிராக்டர்கள் மூலம் நிலங்களைப் பண்படுத்தும் முயற்சிகள் மேற்கொள்ளப்பட்டன.
      • வேளாண்மைக்கு முதல் ஐந்தாண்டுத் திட்டத்தில் ரூ. 9.37 கோடியும், இரண்டாம் திட்ட காலத்தில் ரூ. 51.02 கோடியும், மூன்றாம் திட்ட காலத்தில் ரூ. 57.20 கோடியும், நான்காவது திட்ட காலத்தில் ரூ. 93.48 கோடியும் ஒதுக்கப்பட்டது.
      • தமிழகத்தின் பல பகுதிகள் மழையை நம்பியே இருந்தன, மரபு வழிப்பட்ட வேளாண்மையே தொடர்ந்து கடைப்பிடிக்கப்பட்டது. தஞ்சை, திருச்சி, நெல்லை போன்ற பகுதிகள் வேளாண்மையில் சிறப்பாக விளங்கின.
      • விடுதலைக்குப் பிறகு பவானிசாகர் அணை (1956), அமராவதி அணை (1957), மணிமுத்தாறு அணை (1958), வைகை அணை (1959), ஆழியாறு அணை (1962) போன்ற பெரிய அணைக்கட்டுகள் கட்டப்பட்டன.
      • திராவிட முன்னேற்றக் கழக ஆட்சியில் நில உச்சவரம்பு 30 ஸ்டாண்டர்டு ஏக்கரில் இருந்து 15 ஸ்டாண்டர்டு ஏக்கராகக் குறைக்கப்பட்டது. நிலமின்றி வாழ்ந்த மக்களுக்கு நிலங்கள் பங்கீடு செய்யப்பட்டன.
      • கரும்பு, நெல், பருத்தி, சோளம், கம்பு போன்ற பயிர் வகைகளில் ஒட்டு ரகங்கள் உருவாக்கப்பட்டதால், 1971ஆம் ஆண்டுக்குள் உணவுத்துறையில் தன்னிறைவு ஏற்பட்டது. இந்தியாவிலேயே பசுமைப் புரட்சி கண்ட இரண்டாவது மாநிலமாகத் தமிழகம் விளங்கலாயிற்று.
  • தொழில் வளர்ச்சி:
      • கோவை, மதுரை ஆகிய இடங்களில் நூற்பாலைகளும் நெசவாலைகளும் துணி வகைகளை உற்பத்தி செய்தன. சென்னையில் உற்பத்தியாகும் ‘பின்னி’ துணிவகைகள் வெளிநாடுகளுக்கு ஏற்றுமதி செய்யப்பட்டன. கைத்தறி நெசவாளர்கள் ஆர்வத்துடன் செயல்பட்டு வந்தனர்.
      • மத்திய அரசாங்கம் தமிழ்நாட்டில் பல பெரிய உற்பத்தித் திட்டங்களை நிறுவியது. 
        • நெய்வேலிப் பழுப்பு நிலக்கரித் திட்டம் (மூலதனம் ரூ. 182 கோடி): மின்சாரம், செயற்கை உரம், அடுப்புக்கரி உற்பத்தி, பீங்கான் பாத்திரங்கள், மின்தடை சாதனங்கள் தயாரிப்பு.
        • சென்னை: இணைப்பு இரயில்பெட்டித் தொழிற்சாலை, எண்ணூர் அனல்மின்சார நிலையம், மணலி மண்ணெண்ணெய் சுத்திகரிப்பு செய்யும் தொழிற்சாலை.
        • திருவெறும்பூர்: உயர் அழுத்தக் கொதிகலன் தொழிற்சாலை.
        • ஆவடி: டாங்கித் தொழிற்சாலை.
        • கல்பாக்கம்: மின்அணு நிலையம்.
      • தமிழ்நாடு முழுவதும் தொழிற்பேட்டைகள் அமைக்கப்பட்டு இலட்சக்கணக்கானோருக்கு வேலைவாய்ப்பு வழங்கப்பட்டது. எல்லா மாவட்டங்களிலும் ‘தொழில்நுட்பப் பள்ளிகள்’ தொடங்கப்பட்டன.
      • நெசவு ஆலைகள் தவிர, சிமெண்ட், உரம், போக்குவரத்து வண்டிகள், டயர் உற்பத்தி செய்யும் தொழில்கள் பெருகின. துப்பாக்கித் தொழிற்சாலை, டாங்குகள் கட்டும் தொழிற்சாலை, இரயில் பெட்டித் தொழிற்சாலை போன்ற புதிய கனரகத் தொழிற்சாலைகள் உருவாயின.
      • ஆயிரக்கணக்கான சிறு தொழில்கள் பெருகின. அம்பத்தூர், கிண்டி, இராணிப்பேட்டை போன்ற இடங்களில் உருவான தொழிற்பேட்டைகள் குறிப்பிடத்தக்கவை.
      • கோவை, மதுரை, அம்பாசமுத்திரம் ஆகிய இடங்களில் பஞ்சாலைத் தொழில் சிறந்து விளங்கியது. சர்க்கரை உற்பத்தியும் பெருகியது.
      • டால்மியாபுரம், தாழையூத்து போன்ற இடங்களில் சிமெண்ட் உற்பத்தி தொழிற்சாலைகள் அமைந்தன. 1976இல் தமிழ்நாடு சிமெண்ட் நிறுவனம் ஏற்பட்டது.
      • அசோக் லேலாண்ட், ஸ்டாண்டர்டு மோட்டர்ஸ் லிமிடெட் போன்ற போக்குவரத்து ஊர்தி உற்பத்தித் தொழிற்சாலைகள் முக்கியமானவை. தோல் தொழில் வளர்ச்சிக்கு 1964இல் சென்னையை அடுத்த மாதவரத்தில் முதல் தொழிற்பேட்டை உருவானது.
      • பொதுத்துறை நிறுவனங்களுக்கு முன்னுரிமை அளிக்கப்பட்டது, அவை வியத்தகு வளர்ச்சி அடைந்தன. பருத்தி, இரும்பு-எஃகு, சணல், சர்க்கரை, தேயிலை, பொறியியல் போன்ற தொழில்கள் பொதுத்துறையின் கீழ் வந்தன.
      • மின்னணுப் பொருள்கள், நுண்கருவிகள், எந்திரப் பாகங்கள் போன்றவற்றை உற்பத்தி செய்யும் சிறுதொழில்கள், அரசு கடனுதவியுடன் ஊக்குவிக்கப்பட்டன.
      • பட்டுப் பூச்சி வளர்த்தல், மரச்சாமான்கள், தேனீ வளர்ப்பு, மண்பாண்டத் தொழில், பாய் முடைதல், கோழி வளர்ப்பு, கதர், கைத்தறிப் பொருள்கள் தயாரித்தல் போன்றவை குடிசைத் தொழில்களாக வளர்ந்தன.
      • சுதந்திரத்திற்குப் பின் தமிழகத்தில் இணைப்புப் பெட்டித் தொழிற்சாலை, நெய்வேலி பழுப்பு நிலக்கரி நிறுவனம், பாரத கனரகத் தொழிற்சாலை, ஆவடி டாங்கி தொழிற்சாலை, துப்பாக்கித் தொழிற்சாலை போன்ற பத்துக்கும் மேற்பட்ட மத்திய அரசு நிறுவனங்கள் தொடங்கப்பட்டன.
  • மின் உற்பத்தி:
      • பொருளாதார வளர்ச்சிக்கு மின்சாரம் இன்றியமையாதது. 1947இல் பேசின் பிரிட்ஜ் அனல்மின் நிலையம், 1948இல் மேட்டூர் நீர்மின் நிலையம் உருவாயின.
      • 1957இல் ‘தமிழ்நாடு மின்சார வாரியம்’ தொடங்கப்பட்டது. கல்பாக்கம் அனல்மின் நிலையம், தூத்துக்குடி அனல்மின் நிலையம் போன்றவை துவங்கப்பட்டன.
  • போக்குவரத்து:
      • சாலைப் போக்குவரத்து சிறந்த முன்னேற்றம் அடைந்தது. 1947இல் சென்னை நகரப் பேருந்துகள் தேசியமயமாக்கும் திட்டம் தொடங்கி 1948இல் நிறைவுற்றது.
      • 1972இல் பல்லவன் போக்குவரத்துக் கழகம் உருவாகியது. அதன் பிறகு பல புதிய போக்குவரத்துக் கழகங்கள் பொருளாதார முன்னேற்றத்திற்கு வழிவகுத்தன.
      • புகைவண்டிப் போக்குவரத்தில் தமிழகம் வேகமான வளர்ச்சியைப் பெற்றது. நெல்லை – நாகர்கோயில், திண்டுக்கல் – கரூர், சேலம் – தருமபுரி – பெங்களூரு இடையே புதிய இரயில் பாதைகள் அமைக்கப்பட்டன. மீட்டர்கேஜ் ரயில்பாதைகள் அகலப் பாதைகளாக மாற்றப்பட்டன.
  • நிலவுரிமைச் சட்டங்கள்:
      • சுதந்திரத்திற்குப் பிறகு நில உரிமைகள் ஒரு சிலரிடம் குவிந்திருந்ததை அரசாங்கம் முடிவுக்குக் கொண்டுவர வேண்டியிருந்தது.
      • தமிழ்நாட்டு அரசாங்கம் சட்டத்தின் மூலம் நிலவுடைமைக்கு உச்சவரம்பு 15 ஏக்கர்களுக்குமேல் உரிமை கொண்டாட முடியாது என்று திட்டம் கொண்டு வந்தது. நிலமின்றி வாழ்ந்த மக்களுக்கு நிலங்கள் பங்கீடு செய்யப்பட்டன.
  • கிராம வளர்ச்சி:
      • கிராமங்கள் முன்னேற சாலை அமைத்தல், மின்சார வசதி, குடிநீர் வசதி போன்றவை அளிக்கப்பட்டன. ‘நூலக நிறுவனம்’ அமைக்கப்பட்ட பிறகு கிராமங்கள் தோறும் நூலகங்கள் உருவாகின.
      • வானொலி, செய்தித்தாள்கள், திரைப்படங்கள் ஆகியவை கிராமங்களைச் சென்றடைந்தன.
  • கல்வி வளர்ச்சி:
    • கலைக் கல்லூரிகள், மருத்துவக் கல்லூரிகள், பொறியியல் கல்லூரிகள், பள்ளிகள், உயர்தரக் கல்வி நிலையங்கள் பலமடங்கு பெருகியுள்ளன. வேளாண்மைப் பல்கலைக்கழகம், பேரறிஞர் அண்ணா தொழில்நுட்பப் பல்கலைக்கழகம் போன்ற பல பல்கலைக்கழகங்கள் உருவாகியுள்ளன.
    • தேசிய ஒருமைப்பாடு, சமூகநீதி, சமயசார்பின்மை, சமதர்மப் பொருளாதாரம், அனைவருக்கும் தரமான கல்வி போன்ற உயர்ந்த குறிக்கோள்களுடன் கல்வி முறையில் மாற்றங்கள் கொண்டு வரப்பட்டன.

டாக்டர் ராதாகிருஷ்ணன் கமிஷன் (1948), A. லெட்சுமணசுவாமி முதலியார் குழு (1952), C.S. கோத்தாரி கமிஷன் (1964) போன்றவை அமைக்கப்பட்டன. 1968இல் ‘தேசிய கல்விக்கொள்கை’ உருவாக்கப்பட்டது.

  • மொழிப் போராட்டம் வழி தமிழகம் முழுவதும் நடைபெற்ற இழப்புகள் குறித்து விவரி. (அல்லது) மொழிப் போராட்டம் குறித்து எழுதுக.

மொழிப் போராட்டம்: இந்தித் திணிப்புக்கு எதிரான எதிர்ப்பு

மொழி ஒரு சமூகத்தின் ‘பண்பாட்டுத் தொடர்புக்கருவி’ ஆகும். பல மொழிகள் பேசும் நாட்டில் ஒரு குறிப்பிட்ட மொழியைத் திணிப்பது தவறானது, அது முரண்பாடுகளை உருவாக்கும். சென்னை மாகாணத்தில் ‘இந்தி மொழி திணிப்பு ஏற்பட்டது’.

  • விடுதலைக்குப் பிந்தைய இந்தித் திணிப்புப் போராட்டம்:
      • இந்தியா சுதந்திரம் அடைந்த பிறகு, மத்திய அரசு இந்தியைப் பள்ளிகளில் கட்டாயப் பாடமாக்காது என்று அறிவித்தது. ஆனால் சென்னை மாகாண முதலமைச்சர் ஓ.பி. இராமசாமி ரெட்டியாரைக்கொண்ட அமைச்சரவை மீண்டும் இந்தியைக் கட்டாயப் பாடமாக்க முயன்றது.
      • நாளிதழ்கள், மாத, வார இதழ்கள் அரசின் இந்த முடிவைக் கண்டித்தன.
      • இந்தி எதிர்ப்புப் போராட்டம் (1948): தமிழறிஞர்கள், சமயவாதிகள், காங்கிரஸ் உள்ளிட்ட பல கட்சித் தலைவர்கள் மீண்டும் ஒன்று சேர்ந்தனர். 17.7.1948இல் சென்னையில் கண்டனக் கூட்டம் நடத்தப்பட்டது. பெரியார், மறைமலையடிகள், திரு.வி.க., அண்ணா போன்றோர் கலந்துகொண்டனர்.
      • இந்தி திணிப்பு ‘ஆரிய திராவிட போராட்டத்தின் மறுவடிவம்’ என்று பலர் பேசினர். மறைமலையடிகள், “திராவிடர்களின் பண்பாட்டையும், மறுமலர்ச்சியையும் அழிக்கவே ஆரியர்கள் இந்தியைப் புகுத்தி உள்ளனர்” என்றார்.
      • அமைதிப் போராட்டம் (1948): திராவிடர் கழக செயற்குழு இந்திக்கு எதிராக ஊர்வலம் நடத்துதல், பொதுக்கூட்டம் கூட்டுதல், அமைச்சர்களுக்குக் கருப்புக் கொடி காட்டுதல், அரசு அலுவலகங்களில் மறியல் செய்தல் போன்ற அமைதியான போராட்டங்களை நடத்தத் தீர்மானித்தது.
      • சென்னைக்கு வந்த இந்திய கவர்னர் ஜெனரல் இராஜாஜிக்குக் கருப்புக் கொடி காட்டப்பட்டது. அரசு இந்தித் திணிப்பை அகற்றவில்லை.
      • 19.12.1948இல் கும்பகோணத்தில் மிகப்பெரிய போராட்டம் நடைபெற்றது. பெரியார், மணியம்மை கைது செய்யப்பட்டனர். 1949இல் திராவிடர் கழகத்தில் இருந்து பிரிந்து அண்ணா தலைமையில் திமுக ஆரம்பிக்கப்பட்டது.
      • அரசின் புதிய ஆணை (1950): கல்வி அமைச்சர் மாதவராவ், 2.5.1950இல் 1ஆம் வகுப்பு முதல் 6ஆம் வகுப்பு வரை இரண்டாம் மொழியாக ஆங்கிலத்தையும், மூன்றாம் மொழியாக இந்தியையும் கட்டாயமாக்கி ஆணை பிறப்பித்தார். தி.க.வும், திமுகவும் இதனை எதிர்த்து 10.5.1950இல் ‘இந்தி எதிர்ப்பு நாளாகக்’ கொண்டாடினர்.
      • அரசியலமைப்பில் மொழிக் கொள்கை (1950): இந்திய அரசியலமைப்பில் 343வது பிரிவில் இந்தியாவின் ஆட்சி அலுவல் மொழியாக இந்தி இருக்கும் என்று கூறப்பட்டது. 351வது பிரிவு, இந்தி மொழியைப் பரவச் செய்வதும், வளமுறச் செய்வதும் இந்திய அரசின் கடமை என்று அமைந்து இருந்தது.
      • மத்திய அரசு, மற்ற மொழி பேசும் மக்களுக்கு ஆங்கிலம் தொடர்பு மொழியாக வைத்துக்கொள்ள 15 ஆண்டுகள் (1965 வரை) நீட்டிப்பு கொடுத்தது. இந்தி கற்பவர்களுக்கு அரசு வேலைகளில் தனிச்சலுகைகள் வழங்கியதால், தமிழகம் எங்கும் இந்தி எதிர்ப்புக் கிளர்ச்சிகள் உருவாயின.
  • இராஜாஜி ஆட்சிக்காலத்தில் போராட்டம் (1952-1954):
      • 10.4.1952இல் இராஜாஜி முதல்வரானார். அவரது காலத்தில் ‘மொழிப்போர்’ புதிய வடிவம் பெற்றது. திராவிடர் கழகமும், திமுகவும் இணைந்து போராட்டத்தைத் துவங்கின.
      • புகைவண்டி நிலையம், அஞ்சல் நிலையம் மற்றும் மத்திய அரசு அலுவலகங்களில் உள்ள பெயர்ப்பலகைகளில் காணப்படும் இந்தி எழுத்துக்களை தார்பூசி அழிக்கும் போராட்டம் ஆரம்பமானது. பெரியார், அண்ணா, கருணாநிதி போன்ற தலைவர்கள் இதில் ஈடுபட்டனர்.
      • இப்போராட்டத்தை அரசு அடக்க முயலவில்லை, இதனால் மக்களிடையே இந்தி எதிர்ப்புணர்ச்சியும், தமிழ் மீது பற்றும் ஏற்பட்டது.
  • தேசியக்கொடி எதிர்ப்புப் போராட்டம் (1955):
      • 1955இல் மத்திய அரசு இந்தியை மீண்டும் தேர்வுப் பாடமாகத் திணிக்கும் சூழ்நிலை உருவானது. இதனைத் தடுக்க, 17.7.1955இல் திருச்சியில் திராவிடர் கழக நிர்வாகக்குழு, “இந்தியக் கூட்டாட்சியில் இருக்க விரும்பவில்லை. 1.8.1955இல் தேசியக்கொடி எரிப்புப் போராட்டம் தொடங்கப்படும்” என்று முடிவெடுத்தது.
      • பிரதமர் நேருவின் கோரிக்கையின் பேரில், தமிழக முதல்வர் காமராஜர், இந்தி பேசாத மக்களின் நலன்களைப் பாதிக்கக்கூடிய எந்த நடவடிக்கைகளையும் இந்திய அரசோ, மாநில அரசோ எடுக்காது என்று உறுதிமொழி அளித்தார். இதனால் திராவிடர் கழகம் போராட்டத்தைக் கைவிட்டது.
  • பி.ஜி. கெர் குழுவும் இந்தி திணிப்பும் (1955):
      • 7.6.1955இல் பி.ஜி. கெர் தலைமையில் ஒரு குழு இந்தி மொழியைப் பரப்புவதற்கும், வளர்ப்பதற்கும் அமைக்கப்பட்டது. இக்குழுவின் அறிக்கை, இந்தி கட்டாயப் பாடம் இல்லை, விருப்பப் பாடமாகப் படிக்கலாம் என்றது, ஆனால் மூன்றாவது மொழிக்குக் கிடைக்கும் மதிப்பெண்கள் கணக்கில் எடுத்துக்கொள்ளப்படாது என்றது.
      • கெர் குழு அறிக்கை எதிர்ப்புப் போராட்டம் (1957): இந்தக் குழுவின் அறிக்கை மறைமுகமாக இந்தியைத் திணிப்பதாகக் கருதி பலமான எதிர்ப்பு தோன்றியது. பெரியார், “‘வளைந்த குண்டூசிக்குக்கூட பெறாத இந்தி நமக்கு எந்த வகையிலும் தேவையில்லை'” என்றார். திமுகவும் கடுமையாக எதிர்த்தது.
      • 26.11.1957இல் பெரியாரின் ஆணைப்படி, மாநிலம் முழுவதும் ‘சட்ட எரிப்புப் போராட்டம்’ துவக்கப்பட்டது. சுமார் 4,000 பேர் சிறையில் அடைக்கப்பட்டனர். மாணவர்கள் முதல் முறையாக கும்பகோணத்தில் போராட்டம் நடத்தினர்.
  • வானொலிக்கு எதிரான போராட்டம் (1959):
      • மத்திய அரசு வானொலிக்கு ‘ஆகாஷ்வாணி’ என்று பெயர் சூட்டுவதாக அறிவித்ததற்கு எதிராக 23.5.1959இல் போராட்டம் ஆரம்பமானது. தமிழ் எழுத்தாளர்கள், பாடகர்கள், பேச்சாளர்கள் கலந்துகொண்டனர். மத்திய அரசு ‘ஆகாஷ்வாணி’ என்ற சொல்லைத் திரும்பப் பெற்றுக்கொண்டதும் போராட்டம் நிறுத்தப்பட்டது.
  • குடியரசுத் தலைவர் ஆணையும், தேசப்பட எரிப்புப் போராட்டமும் (1960):
      • 1959இல் பி.ஜி. கெர் அளித்த பரிந்துரையை குடியரசுத் தலைவர் ஏற்று, 20.4.1960இல் இந்தியை ‘ஆட்சி மொழியாக’ அறிவித்தார்.
      • பிரதமர் நேருவின் உறுதிமொழியை மீறிவிட்டதாகக் கருதிய பெரியார், “நாட்டுப் பிரிவினைக்கு வழிவகுத்து விட்டார்கள். எனவே தேசப்பிரிவினைக்கு இந்திய தேசப் படத்திற்கு தீ வையுங்கள்” என்று அறிக்கை வெளியிட்டார்.
      • 5.6.1960ஆம் தேதி ‘துக்கநாளாக’ அறிவிக்கப்பட்டது. பெரியார், வீரமணி கைது செய்யப்பட்டனர்.
      • திமுகவால் 31.7.1960இல் சென்னை கோடம்பாக்கத்தில் ‘இந்தி எதிர்ப்பு மாநாடு’ கூட்டப்பட்டது.
  • இந்திய ஆட்சிமொழிச் சட்டம், 1963:
      • 13.4.1963இல் இந்திய அரசின் ஆட்சிமொழிச் சட்டம் தாக்கல் செய்யப்பட்டது. இதன்படி, 26.1.1965 முதல் இந்தி ஆட்சி மொழியாகும், ஆங்கிலம் துணை மொழியாகப் பயன்படுத்தப்படும். திமுக பாராளுமன்ற உறுப்பினர்கள் இதனை இந்தி பேசாத மக்களுக்கு இழைத்த அநீதி என்று கண்டித்தார்கள்.
      • திமுக பொதுக்குழு கூடி அரசியல் சட்டம் 17வது பிரிவை எரிக்கத் தீர்மானம் நிறைவேற்றியது. இந்தி எதிர்ப்புப் போராட்டம் 1965ஆம் ஆண்டு இறுதி வரை நடைபெறும் என திமுக அறிவித்தது.
  • பக்தவச்சலம் சட்ட எரிப்புப் போராட்டம்:
      • 3.10.1963இல் பக்தவச்சலம் முதலமைச்சர் ஆனதும் ஆட்சிமொழிக்கு எதிரான போராட்டம் வேகம் பெற்றது. அண்ணா தலைமையில் 17.11.1963இல் அரசியல் சட்டத்தின் 17வது மொழிப் பிரிவை எரிப்பதாக இருந்தது, ஆனால் அவர் கைது செய்யப்பட்டார்.
      • அண்ணா உட்பட பலருக்கு 6 மாதச் சிறைத்தண்டனை விதிக்கப்பட்டது. போராட்டம் தீவிரமடைந்து, 26.1.1965இல் புதுவேகம் பெற்றது.
  • குடியரசு தினமும், துக்க தினமும்:
      • 8.1.1965இல் திமுக, 26.1.1965ஐ துக்க தினமாகக் கொண்டாடவும், கருப்புச் சின்னம் அணியவும் முடிவெடுத்தது.
  • இந்தி எதிர்ப்புப் போராட்டத்தில் மாணவர்கள் (1965):
      • அனைத்துக் கல்லூரி மாணவர்களும் ஒன்றுகூடி ஒரு போராட்டக்குழுவை அமைத்தனர். சென்னை பச்சையப்பன் கல்லூரி மாணவர்கள் இந்தியை அரக்கி வடிவத்தில் கொடும்பாவி செய்தும், எரித்தும், இந்திப் புத்தகங்களை எரித்தும் எதிர்ப்பைக் காட்டினர்.
      • மதுரையில் அரசியல் பிரிவு 17 கொளுத்தப்பட்டது. இதற்குக் காரணமான மாணவர்கள் கைது செய்யப்பட்டனர். போராட்டம் தீவிரமடைந்து, தடியடி, கண்ணீர் புகைக்குண்டு எனப் பரவியது.
      • மாணவர் இராஜேந்திரன் மரணம்: சிதம்பரம் அண்ணாமலைப் பல்கலைக்கழக மாணவர்கள் போராட்டத்தில் ஈடுபட்டபோது, காவல்துறையின் துப்பாக்கிச் சூட்டில் இராஜேந்திரன் என்ற மாணவர் மரணமடைந்தார். இதனால் இந்தி எதிர்ப்புப் போராட்டம் மாணவர் கையிலிருந்து பொதுமக்கள் கைக்குச் சென்றது.
      • தீக்குளித்த திமுகத் தொண்டர்கள் பலி: திருச்சி சின்னச்சாமி, கோடம்பாக்கம் சிவலிங்கம் போன்ற பலர் உடலில் தீ வைத்துக் கொண்டு ‘உடல் மண்ணுக்கு உயிர் தமிழுக்கு’ என்று கூறிக் கொண்டே இறந்தனர். இந்தப் போராட்டத்தை அடக்க முடியாமல் அரசு திணறியது, காங்கிரஸ் அரசு மக்களின் ஆதரவை இழந்தது.
  • திமுக ஆட்சியும் போராட்டத்தின் முடிவும் (1967):
    • 1967 பிப்ரவரியில் நடைபெற்ற பொதுத்தேர்தலில், 20 ஆண்டுகால காங்கிரஸ் ஆட்சியைத் தோற்கடித்து திமுக ஆட்சியைப் பிடித்தது. அண்ணாத்துரை 6.3.1967இல் முதலமைச்சர் ஆனார்.
    • 23.1.1968இல் கூடிய சட்டமன்றத்தில் அண்ணா, “ஆங்கிலம், தமிழ் ஆகிய இருமொழிகளே தமிழகத்தின் ஆட்சி மொழியாக இருக்கும். இந்திமொழி தேவை இல்லை” என்று அறிவித்தார். அரசு கல்லூரிகளில் தமிழ் பாடமொழியாக இருக்கும் என்றும், அடுத்த ஐந்தாண்டுக்குள் அனைத்துக் கல்லூரிகளிலும் தமிழைப் பயிற்றுமொழியாகக் கொண்டுவர அரசு நடவடிக்கை எடுக்கும் என்றும் கூறினார்.
    • மத்திய அரசு இந்தியைத் திணிக்க முயலக்கூடாது என்றும், ஆங்கிலத்தையே ஆட்சிமொழியாக நீடிக்கச் செய்யவேண்டும் என்றும் திமுக அரசு கேட்டுக்கொண்டது.
    • இவ்வாறு திமுக இருமொழிக் கொள்கைத் திட்டத்தை அறிமுகம் செய்தவுடன், நீண்ட காலமாக நடந்து வந்த இந்தி எதிர்ப்புப் போராட்டம் முடிவடைந்தது.
  • கல்வி வளர்ச்சி குறித்த திட்டங்களை விவரி. 

கல்வி வளர்ச்சி

விடுதலைக்குப் பின் தமிழ்நாட்டில் கல்வித் துறையில் பெரும் வளர்ச்சி காணப்பட்டது. தொடக்கப்பள்ளிகள், இடைநிலைப்பள்ளிகள், உயர்நிலைப்பள்ளிகள், கலை மற்றும் அறிவியல் கல்லூரிகள் ஆகியவற்றின் எண்ணிக்கை பல மடங்காகப் பெருகியுள்ளன.

முக்கியக் குறிக்கோள்கள்:

  • தேசிய ஒருமைப்பாடு, சமூக நீதி, சமயசார்பின்மை, சமதர்மப் பொருளாதாரம், மனிதவளப் பயன்பாடு, உணவு உற்பத்தியில் தன்னிறைவு, தொழில்மயமாக்கல், அறிவியல் தொழில்நுட்ப வளர்ச்சி மற்றும் அனைவருக்கும் தரமான கல்வி போன்ற உயரிய குறிக்கோள்கள் வகுக்கப்பட்டன.
  • இந்தக் குறிக்கோள்களை அடைய கல்வி முறையில் பல்வேறு மாற்றங்களைக் கொண்டுவர கல்விக் குழுக்கள் அமைக்கப்பட்டன.

கல்விக் குழுக்கள்:

  • டாக்டர் ராதாகிருஷ்ணன் கமிஷன் (1948).
  • A. லெட்சுமணசுவாமி முதலியார் தலைமையில் ஒரு குழு (1952).
  • C.S. கோத்தாரி தலைமையில் கமிஷன் (1964).
  • ‘தேசிய கல்விக்கொள்கை’ (1968) உருவாக்கப்பட்டது.

அனைவருக்கும் ஆரம்பக்கல்வி மற்றும் நலத்திட்டங்கள்:

  • இந்திய அரசியலமைப்பு சட்டத்தின் மூலம் 14 வயதுக்கு உட்பட்ட அனைவருக்கும் கட்டாய இலவசக் கல்வி அளிக்க இலக்கு நிர்ணயிக்கப்பட்டது.
  • காமராஜர் தொடக்கக் கல்வி முன்னேற்றத்திற்கு முக்கியக் காரணமாக இருந்தார். அனைத்துக் கிராமங்களிலும் பள்ளிகள் தொடங்கப்பட்டு, குழந்தைகள் பள்ளிக்குச் செல்ல வாய்ப்பு வழங்கப்பட்டது.
  • மாணவர்களைப் பள்ளியில் சேர்க்கவும், இடைநிற்றலைத் தவிர்க்கவும், முழுமையான முன்னேற்றம் அடையவும் சத்துணவுத் திட்டம் (தினசரி உணவுடன் வாரத்திற்கு ஐந்து நாட்கள் முட்டை) மற்றும் இலவசப் பேருந்து வசதி வழங்கப்படுகிறது.
  • கரும்பலகைத் திட்டம் மூலம் ஒவ்வொரு தொடக்கப்பள்ளிக்கும் வகுப்புகள், கரும்பலகைகள், விளையாட்டுப் பொருட்கள், கற்பித்தல் பொருட்கள் வழங்கப்பட்டன.
  • தமிழ்நாடு அரசு, மத்திய அரசுடன் இணைந்து ‘அனைவருக்கும் கல்வித் திட்டத்தை’ செயல்படுத்தி வருகிறது.

பிற கல்வி நலத்திட்டங்கள்:

  • புதிய தொடக்கப்பள்ளிகள் திறப்பு; 300 பேர் வாழும் சிறு குடியிருப்புகளிலும் பள்ளிகள்.
  • ஒன்று முதல் 10ஆம் வகுப்பு வரை இலவசக் கல்வி.
  • 10ஆம் வகுப்புக்கு மேல் தமிழ்மொழிவழிக் கல்வி பயில்வோருக்கு இலவசக் கல்வி.
  • ஏழை மாணவர்களுக்கு இலவசப் புத்தகங்கள், சீருடை.
  • ஆதிதிராவிடக் குழந்தைகளுக்கு இலவசத் தங்கும் விடுதிகள்.
  • பள்ளிச் சீரமைப்பு மாநாடுகள் மூலம் உள்ளூர் மக்களின் பங்களிப்பை ஊக்குவித்தல்.
  • பள்ளிச் சிறுவர்களுக்கு இலவச மருத்துவ வசதிகள்.
  • பாடத்திட்டம் மேம்படுத்தப்பட்டு, தற்காலத் தேவைக்கேற்ப கணக்கு, அறிவியல், புவியியல் போன்ற பாடநூல்கள் தயாரிக்கப்பட்டு குறைந்த விலையில் வழங்கப்படுகின்றன.
  • விளையாட்டு, கைவினை ஈடுபாடுகள், அறிவியல் துணைப்பொருட்கள் ஆகியவற்றில் பண ஒதுக்கீடு மற்றும் கண்காட்சிகள்.
  • ஆசிரியர்களின் சம்பள விகிதம் உயர்வு மற்றும் சலுகைகள்.
  • நல்லாசிரியர்களுக்கு விருதுகள் மற்றும் முதல் மதிப்பெண் பெறும் மாணவர்களுக்குப் பரிசுத்தொகை.

இடைநிலைக் கல்வி மற்றும் உயர்கல்வி:

  • வேலைவாய்ப்புகளைப் பெறுவதற்கு ஏதுவாக கணினிக் கல்வியும் தொழில் கல்வியும் வழங்கப்படுகின்றன. மத்திய அரசின் ‘அனைவருக்கும் இடைநிலைக் கல்வித் திட்டம்’ செயல்படுத்தப்படுகிறது.
  • மாணவர்களுக்குக் கட்டணமின்மை, சீருடை, பாடநூல், போக்குவரத்து, பயண அட்டைகள், சைக்கிள், கணினிக் கல்வி போன்றவை இலவசமாக வழங்கப்பட்டன.
  • தமிழ்நாட்டில் 30 மாவட்டங்களில் ஆசிரியர் பயிற்சி நிறுவனங்கள் செயல்பட்டு வருகின்றன.
  • நூலக வசதிகள் மேம்பாட்டுத் திட்டம், கற்பித்தல் கருவிகள் வழங்கல், மொழி ஆய்வகங்கள் (தமிழ், ஆங்கிலம் தெளிவாகத் தெரிந்து கொள்ள).
  • ஆசிரியர்களின் கற்பிக்கும் திறனை மேம்படுத்த பணியிடைப் பயிற்சி திட்டங்கள், மாநில அளவிலான பயிற்சி நிறுவனங்கள், முன்மாதிரி பள்ளிகள்.
  • கலைத்திட்டத்தில் சுற்றுச்சூழல் கல்வி, மக்கள் தொகைக் கல்வி, வேலைத் திறனளிக்கும் கல்வி, மதிப்புணர்வுக் கல்வி போன்றவை வலியுறுத்தப்படுகின்றன. தாய்மொழி வழியே பாடங்களைக் கற்பிக்கும் முயற்சி.
  • ‘தமிழ் மெல்ல இனிச் சாகும்’ என்ற பாரதியின் எச்சரிக்கை, பிற மொழிச் சரித்திரங்களைத் தமிழில் மொழிபெயர்ப்பதன் அவசியத்தை உணர்த்தியது.
  • உயர்கல்வியின் இலக்கு இளைஞர்களின் தனித் திறமைகளை வளர்த்து, இந்த நூற்றாண்டின் சவால்களை எதிர்கொள்ள அவர்களைத் தயார்படுத்துவதாகும். உலகத்தரம் வாய்ந்த கல்வி வழங்குதல், உள்கட்டமைப்பு மேம்பாடு, இணையவழி மின் ஆளுமை, ஆராய்ச்சி மற்றும் மேம்பாட்டை ஊக்குவித்தல், நலிவடைந்த மாணவர்களுக்கு வாய்ப்பளித்தல் போன்றவை இதன் நோக்கங்கள்.
  • சமுக வளர்ச்சி குறித்து எழுதுக. (அல்லது) பொருள் சார்ந்த சமூக வளர்ச்சியில் தமிழகம் பெற்ற முன்னேற்றம் குறித்து விளக்குக. 

சமூக, பொருளாதார வளர்ச்சி

  • சுதந்திர இந்தியாவில் நிலவி வந்த ஏற்றத்தாழ்வுகளை நீக்கும் பொருட்டு பதினோர் ஐந்தாண்டுத் திட்டங்கள் செயல்படுத்தப்பட்டன.
  • இதன் பயனாகத் தமிழகத்தில் வேளாண்மை மற்றும் கனரகத் தொழில்களில் வளர்ச்சி காணப்பட்டது.
  • மத்திய அரசு நிறுவனங்கள் பல நிறுவப்பட்டன, மின் உற்பத்தி, போக்குவரத்து போன்ற துறைகள் நன்கு வளர்ச்சியடைந்தன.

வேளாண்மை வளர்ச்சி

  • வேளாண்மையே பொருளாதார அமைப்பின் அடிப்படையாகவும், இந்திய மக்களின் முதன்மைத் தொழிலாகவும் விளங்குகிறது.
  • ஐந்தாண்டுத் திட்டங்களில் வேளாண்மைக்கு கணிசமான நிதி ஒதுக்கீடு செய்யப்பட்டது.
  • தமிழகத்தின் பல பகுதிகள் மழையை நம்பியுள்ளன, மரபு வழிப்பட்ட வேளாண்மை தொடர்கிறது.
  • தஞ்சை, திருச்சி, நெல்லை மாவட்டங்கள் வேளாண்மையில் சிறந்து விளங்குகின்றன.
  • சுதந்திரத்திற்குப் பிறகு பவானிசாகர் அணை (1956), அமராவதி அணை (1957), மணிமுத்தாறு அணை (1958), வைகை அணை (1959), ஆழியாறு அணை (1962), சேர்வலாறு அணை (1985) போன்ற பெரிய அணைக்கட்டுகள் கட்டப்பட்டன.
  • நில உச்சவரம்பு சட்டம்: முதலில் 30 ஸ்டாண்டர்டு ஏக்கர் நில உச்சவரம்பு இருந்தது. திராவிட முன்னேற்றக் கழக ஆட்சியில் அது 15 ஸ்டாண்டர்டு ஏக்கராகக் குறைக்கப்பட்டது.
  • கரும்பு, நெல், பருத்தி, சோளம், கம்பு போன்ற பயிர்களில் ஒட்டு ரகங்கள் உருவாக்கப்பட்டன. இதன் காரணமாகத் தமிழகத்தில் சுமார் 1971க்குள் உணவுத்துறையில் தன்னிறைவு ஏற்பட்டது, மேலும் இந்தியாவிலேயே பசுமைப் புரட்சி கண்ட இரண்டாவது மாநிலமாகத் தமிழகம் விளங்கியது.

தொழில் வளர்ச்சி

  • வேளாண்மையில் 63% மக்கள் ஈடுபட்டபோதிலும், 15% மக்களே கனரகத் தொழில்கள், சிறுதொழில்கள், நடுத்தரத் தொழில்கள் போன்ற வேளாண்மை அல்லாத தொழில்களில் ஈடுபட்டிருந்தனர்.
  • தொழில்துறை நெசவு ஆலைகளைத் தாண்டி சிமெண்ட், உரம், போக்குவரத்து வண்டிகள், டயர் உற்பத்தி போன்ற துறைகளில் விரிவடைந்தது.
  • மத்திய, மாநில அரசுகள் துப்பாக்கித் தொழிற்சாலை, டாங்கி தொழிற்சாலை, இரயில் பெட்டித் தொழிற்சாலை போன்ற புதிய கனரகத் தொழிற்சாலைகளை உருவாக்கின.
  • ஆயிரக்கணக்கான சிறு தொழில்கள் பெருகின. அம்பத்தூர், கிண்டி, ராணிப்பேட்டை, கப்பலூர், அரக்கோணம், மார்த்தாண்டம், திருச்சி, காரைக்குடி, ஒசூர் போன்ற இடங்களில் தொழிற்பேட்டைகள் உருவாயின. இவற்றில் அம்பத்தூரும் கிண்டியும் மிகப்பெரியவையாக விளங்கின.
  • பஞ்சாலைத் தொழில் கோவை, மதுரை, அம்பாசமுத்திரம் ஆகிய இடங்களில் சிறந்து விளங்கியது.
  • புதிய வேளாண்மை முறைகளால் சர்க்கரை உற்பத்தியும் பெருகியது, இது கிராமப்புற முன்னேற்றத்திற்கு வழிவகுத்தது.
  • டால்மியாபுரம், தாழையூத்து போன்ற இடங்களில் சிமெண்ட் உற்பத்தித் தொழிற்சாலைகள் நிறுவப்பட்டன. தமிழ்நாடு சிமெண்ட் நிறுவனம் 1976இல் தொடங்கப்பட்டது.
  • அசோக் லேலண்ட், ஸ்டாண்டர்டு மோட்டார்ஸ் லிமிடெட் போன்ற நிறுவனங்கள் போக்குவரத்து ஊர்திகளை உற்பத்தி செய்தன.
  • தமிழகத்தில் 400க்கும் மேற்பட்ட தோல் தொழிற்சாலைகள் நிறுவப்பட்டன. 1964இல் சென்னையை அடுத்த மாதவரத்தில் முதல் தோல் தொழில்பேட்டை உருவானது.
  • பொதுத்துறை நிறுவனங்களுக்கு முன்னுரிமை கொடுக்கப்பட்டது. அவை பருத்தி துணி, இரும்பு எஃகு, சணல் ஆலை, சர்க்கரை ஆலை, தேயிலைத் தொழில், பொறியியல் தொழில் போன்ற துறைகளில் வியத்தகு வளர்ச்சி அடைந்தன.
  • சிறு தொழில்கள் மின்னணுப் பொருட்கள், நுண்கருவிகள், எந்திரப் பாகங்கள், காலணிகள், விவசாயக் கருவிகள் போன்றவற்றை உற்பத்தி செய்கின்றன. அரசு கடனுதவி மற்றும் தொழில்நுட்ப உதவி அளித்து சிறு தொழில்களை ஊக்குவிக்கிறது.
  • குடிசைத் தொழில்கள் (உள்ளூரில் கிடைக்கும் மூலப்பொருட்களைக் கொண்டு வீட்டு உறுப்பினர்களால் வீடுகளிலேயே செய்யப்படுபவை) பட்டுப் பூச்சி வளர்த்தல், மரச்சாமான்கள், தேனீ வளர்ப்பு, மண்பாண்டத் தொழில், பாய் முடைதல், கோழி வளர்ப்பு, பண்ணைத் தொழில், கதர், கைத்தறிப் பொருட்கள் தயாரித்தல் ஆகியவை அடங்கும்.

இந்தியக் கனிமங்கள்

  • நாட்டின் பொருளாதார வளர்ச்சிக்குக் கனிம வளம் இன்றியமையாதது.
  • இந்தியாவில் நிலக்கரி, இரும்பு, மாங்கனீசு, பாக்ஸைட், மைக்கா ஆகியவை அதிகம் கிடைக்கின்றன. செம்பு, ஈயம், துத்தநாகம், தங்கம் மற்றும் பெட்ரோல் போதிய அளவில் இல்லை.
  • இந்தியப் புவியியல் ஆய்வுத்துறை, இந்திய சுரங்கக்கழகம் போன்ற நிறுவனங்கள் கனிமவளக் கண்டுபிடிப்பில் ஈடுபட்டுள்ளன.
  • உலோக வளங்கள் நான்கு வகையாகப் பிரிக்கப்படுகின்றன: 
    • பெருமளவில் பயன்படும் உலோகங்கள்: இரும்புத்தாது, மைக்கா.
    • ஏற்றுமதிக்கான உலோகங்கள்: மாங்கனீசு, பாக்சைட், ஜிப்சம். 1950இல் 22 வகையான உலோகங்கள் ஏற்றுமதி செய்யப்பட்ட நிலையில், தற்போது 70க்கும் மேற்பட்டவை ஏற்றுமதி செய்யப்படுகின்றன.
    • சுயதேவைகளைப் பூர்த்தி செய்யும் உலோகங்கள்: சோடியம், சோடியம் உப்பு, பாக்சைட், பாஸ்பேட், நிலக்கரி, கண்ணாடி.
    • வெளிநாடுகளைச் சார்ந்துள்ள உலோகங்கள்: நிக்கல், பெட்ரோலியம், துத்தநாகம், பாதரசம், தகரம், பிளாட்டினம், பித்தளை.

எரிசக்தி

  • எரிசக்தியின் உபயோகம் நாட்டின் வளர்ச்சிக்கு இன்றியமையாதது. இந்தியாவின் எரிசக்தி பெட்ரோலிய எண்ணெய், வாயு, நிலக்கரி, சாணம், எரிவாயு, காற்று ஆகியவற்றிலிருந்து உற்பத்தி செய்யப்படுகிறது.
  • நன்மைகள்: தொழில்துறை வளர்ச்சி, மக்களுடைய அன்றாட வாழ்க்கை (சமைத்தல், மின்விசிறி இயக்குதல், பொருட்கள் பாதுகாப்பு), போக்குவரத்து மற்றும் விவசாயத் துறைகளில் (டிராக்டர்கள், அறுவடை கருவிகள்) பெரிதும் உதவுகிறது.

கைத்தறித்துறை வளர்ச்சி

  • ஜவுளித் தொழில் இந்தியப் பொருளாதாரத்தில் முக்கியப் பங்கு வகிப்பதோடு, வேலைவாய்ப்பு மற்றும் ஏற்றுமதியிலும் பங்களிக்கிறது.
  • தமிழ்நாட்டில் மொத்தம் 5.56 லட்சம் கைத்தறிகள் உள்ளன. அவற்றில் 2.93 லட்சம் கைத்தறிகள் கூட்டுறவு அமைப்பின்கீழ் செயல்படுகின்றன. இவற்றுக்கு 12 கூட்டுறவு நூற்பாலைகள் நூல் விநியோகம் செய்கின்றன.
  • புதுக்கோட்டை, தருமபுரி, எட்டயபுரம், தேனி ஆகிய இடங்களில் புதிய நூற்பாலைகள் கட்டப்பட்டு உள்ளன.
  • நூற்புத் தொழில், கைத்தறி, விசைத்தறி மற்றும் பின்னலாடைத் தொழில் ஆகியவை ஜவுளித் தொழிலில் முக்கியமானவை, இவை கைத்தறி நெசவாளர்களின் சமூக-பொருளாதார நிலையை மேம்படுத்துகின்றன.

கதர், கிராமத் தொழில் வளர்ச்சி

  • தமிழ்நாட்டில் 1,250 கிராமத் தொழில் கூட்டுறவுச் சங்கங்கள் உள்ளன. இவற்றில் 80,000 கைவினைத் தொழிலாளிகள் ஈடுபட்டுள்ளனர், இதன் மூலம் பல ஆயிரம் கிராமப்புற ஏழைகளுக்கு வேலைவாய்ப்பு கிடைத்துள்ளது.

மத்திய அரசு நிறுவனங்கள்

  • சுதந்திரத்திற்குப் பின் தமிழகத்தில் சுமார் பத்திற்கும் மேற்பட்ட மத்திய அரசு நிறுவனங்கள் தொடங்கப்பட்டன. அவை: இணைப்புப் பெட்டித் தொழிற்சாலை, நெய்வேலி பழுப்பு நிலக்கரி நிறுவனம், இந்துஸ்தான் டெலி பிரிண்டர்ஸ், இந்துஸ்தான் போட்டோ பிலிம்ஸ், பாரத கனரகத் தொழிற்சாலை, எண்ணெய் சுத்திகரிப்பு நிலையம், உரத்தொழிற்சாலை, எஃகுத் தொழிற்சாலை, பாய்லர் துணைத் தொழிற்சாலை, ஆவடி டாங்கித் தொழிற்சாலை, துப்பாக்கித் தொழிற்சாலை ஆகியவை குறிப்பிடத்தக்கன.

மின் உற்பத்தி

  • பொருளாதார வளர்ச்சிக்கு மின்சாரம் இன்றியமையாதது. சுதந்திரத்திற்குப் பின் தமிழகத்தில் 1947இல் பெசின் பிரிட்ஜ் அனல்மின் நிலையம், 1948இல் மேட்டூர் நீர்மின் நிலையம் உருவாக்கப்பட்டன.
  • 1957இல் ‘தமிழ்நாடு மின்சார வாரியம்’ தொடங்கப்பட்டது. இவைகளைத் தொடர்ந்து கல்பாக்கம் அனல்மின் நிலையம், தூத்துக்குடி அனல்மின் நிலையம் போன்றவை துவங்கப்பட்டன.

போக்குவரத்து

  • சாலைப் போக்குவரத்து சிறந்த முன்னேற்றம் அடைந்தது. 1947இல் சென்னை நகரப் பேருந்துகள் தேசியமயமாக்கும் திட்டம் தொடங்கி 1948இல் முடிந்தது.
  • 1972இல் பல்லவன் போக்குவரத்துக் கழகம் உருவாகியது. அதன்பின் பல புதிய போக்குவரத்துக் கழகங்கள் உருவாகிப் பொருளாதார முன்னேற்றத்திற்கு வழிவகுத்தன.
  • புகைவண்டிப் போக்குவரத்தில் தமிழகம் வேகமான வளர்ச்சியைப் பெற்றது. நெல்லை-நாகர்கோயில், திண்டுக்கல்-கரூர், சேலம்-தருமபுரி-பெங்களூரு இடையேயும் புதிய இரயில் பாதைகள் அமைக்கப்பட்டன.
  • தமிழ்நாட்டில் உள்ள மீட்டர்கேஜ் ரயில்பாதைகள் அகலப்பாதைகளாக மாற்றப்பட்டன, இதனால் புகைவண்டியில் பயணம் செய்வோரின் எண்ணிக்கை பலமடங்கு அதிகரித்தது.

தொழில்நுட்ப வளர்ச்சி

  • தகவல் தொழில்நுட்ப முதலீட்டிற்குத் தேவையான அறிவியல், சமூகக் கட்டமைப்பு மற்றும் மனித ஆற்றலைத் தமிழகம் கொண்டுள்ளது.

தேசிய மின் ஆளுமைத் திட்டங்கள் மற்றும் மாநில அரசின் மின் ஆளுமைத் திட்டங்களை வெற்றிகரமாக நடைமுறைப்படுத்துவதில் தமிழ்நாடு மற்ற மாநிலங்களுக்கு முன்னோடியாக விளங்குகிறது.

  • தகவல் தொழில்நுட்ப  வளர்ச்சி குறித்து எழுதுக. (அல்லது) தகவல் தொடர்பு முன்னேற்றம் குறித்து விளக்குக.  

தகவல் தொடர்பு விளக்கம்:

  • தகவல் தொடர்பு என்பது ஓர் இடத்திலிருந்து தொலைவில் உள்ள மற்றொரு இடத்தோடு தகவல்களைப் பரிமாறிக் கொள்ளப் பயன்படுத்தும் அமைப்பு மற்றும் அதற்கான கருவிகள் ஆகும்.

தொழில்நுட்பவியல் துறையின் நோக்கங்கள்:

  • குடிமக்களுக்கு அரசின் தகவல்கள் மற்றும் பரிமாற்றங்களை இணையம் வாயிலாக விரைவாக வழங்குதல்.
  • கிராமம், நகர மக்களிடையே உள்ள இடைவெளியை நிரப்புதல்.
  • தமிழ்நாட்டை மின் ஆளுமையில் சிறந்த மாநிலமாக மாற்றுதல்.
  • தமிழ்நாட்டின் மென்பொருள் ஏற்றுமதியை கணிசமான அளவுக்கு உயர்த்துதல்.
  • அனைத்து வீடுகளுக்கும் கம்பிவட தொலைக்காட்சி சேவைகளை நியாயமான விலையில் வழங்குதல்.
  • கணினித் தமிழை உயர்நிலைக்கு எடுத்துச் செல்லுதல் மற்றும் குடிமக்களின் வாழ்க்கைத் தரத்தினை மேம்படுத்துதல்.

தொழில்நுட்ப துறையின் பயன்கள்:

  • முழுமையான மாற்றத்திற்கான தொடர் இயக்கி, சமமான வளர்ச்சி, புதிய கருவிகள், வேலைவாய்ப்பு உருவாக்கம், மொத்த உள்நாட்டு உற்பத்தியில் அதிக பங்களிப்பு, விரைவான சேவைகள், நேரம் மற்றும் ஆற்றலைச் சேமித்தல்.
  • டிஜிட்டல் தொழில்நுட்பம்: சமூக கைபேசி, பகுப்பாய்வு, மேகக்கணினியம், இயந்திரக் கற்றல், செயற்கை நுண்ணறிவு, ரோபோ தொழில்நுட்பம், முப்பரிமாண அச்சிடுதல், வங்கி, வணிகம், மருத்துவம், வேளாண்மை, பல்பொருள் இணையம், அனிமேஷன் மற்றும் விளையாட்டு, தரவுப் பகுப்பாய்வு, வணிக நுண்ணறிவு மென்பொருள் போன்ற தற்காலத் துறைகள் ஊக்குவிக்கப்படுகின்றன.

இணையம்:

  • தொலைபேசி கம்பி வடத்தையும் இணைக்கும் கணினி தொழில்நுட்பத்தால் உருவானது ‘இணையம்’.
  • இது மிகப்பெரிய நூலகம் போன்றது, வலைதளப்பக்கங்கள், மின்னஞ்சல், ஒலி, ஒளி, சலனப்படம், பல மொழிகளில் செய்திகள், ஒளிப்படங்கள் போன்ற வசதிகளை வழங்குகிறது.
  • மின்னஞ்சல் மூலம் குறைவான செலவில், விரைவாக, உலகின் பல நாடுகளுக்கும் கடிதங்களை அனுப்ப முடியும். தமிழ் உள்ளிட்ட பல்வேறு இந்திய மொழிகளில் மின்னஞ்சல்களை அனுப்பும் வசதி உள்ளது.

தலைமுறைகள் கடந்த தொழில்நுட்பங்கள்:

  • முதல் தலைமுறை கம்பிவழித் தொலைபேசியிலிருந்து, இரண்டாம், மூன்றாம் தலைமுறை செல்பேசிகளும், தற்போது நான்காம் தலைமுறை தொழில்நுட்பமும் பயன்பாட்டில் உள்ளன.
  • செல்பேசி வழியாக இணையம் உள்ளிட்ட வசதிகள் கிடைக்கின்றன. செயற்கைக் கோள்கள் வழியே நாடு விட்டு நாடு தகவல் பரிமாற்றம் எளிமைப்படுத்தப்பட்டுள்ளது.

தகவல் தொழில்நுட்பச் சேவைகள்:

  • தகவல் தொழில்நுட்பச் சேவைகள் வன்பொருள் (hardware) மற்றும் மென்பொருள் (software) என இரு பிரிவுகளைக் கொண்டது. இவை உற்பத்தி, பரிசோதிப்பு, தரக்கட்டுப்பாடு, விற்பனை, பராமரிப்பு, ஆய்வு மற்றும் மேம்பாடு போன்ற உட்பிரிவுகளைக் கொண்டுள்ளன.
  • டாடா கன்சல்டன்சி சர்வீசஸ், இன்ஃபோசிஸ், காக்னிசன்ட் டெக்னாலஜீஸ், விப்ரோ போன்ற இந்திய நிறுவனங்கள் உலகெங்கும் தகவல் தொழில்நுட்பச் சேவைகளை வழங்குகின்றன.
  • அமெரிக்க, ஐரோப்பிய நாடுகள் உட்படப் பல நாடுகளில் உள்ள வங்கி, காப்பீடு, நிதித் துறைகளைச் சேர்ந்த நிறுவனங்களுக்கு இந்திய நிறுவனங்கள் தகவல் தொழில்நுட்பச் சேவைகளை வழங்குகின்றன.
  • வாகனங்கள், எந்திரங்கள், புத்தக வெளியீடு போன்ற உற்பத்தித் துறைகளிலும், வங்கி, காப்பீடு, தொலைதொடர்பு, மருத்துவம் போன்ற சேவைத் துறைகளிலும் தொழில்நுட்ப சேவைகள் வளர்ச்சி பெற்றுள்ளன.

தகவல் தொடர்பில் முன்னேற்றம்:

  • நாம் வாழும் யுகம் ‘தகவல் யுகம்’ ஆகும். தகவல் தொடர்புகள் தனிப்பட்டவை, தொழில் சார்ந்தவை, பொதுவானவை என மூன்று வகையாகப் பிரிக்கப்படுகின்றன.
  • தபால் வழித் தொடர்பு: 1852இல் முதல் தபால் தலை கராச்சியில் வெளியிடப்பட்டது. இந்தியத் தபால் நிலையம் உலகிலேயே மிகப்பெரியது. 1975இல் ‘விரைவுத் தபால் முறை’, 1977இல் செயற்கைக் கோள் மூலம் தகவல் தொடர்பு, 1995இல் கிராமப்புற தபால் காப்பீட்டுத் திட்டம்.
  • தொலைபேசி: 1881-82இல் கொல்கத்தாவில் முதல் சேவை தொடங்கப்பட்டது. 1984இல் ‘தொலைநிலை இயக்க மேம்பாட்டு மையம்’ உருவாக்கப்பட்டது. தனியார் துறை ஊக்குவிக்கப்பட்டு, அலைபேசி பெருமளவில் உருவாயின.
  • வானொலி தகவல் தொடர்பு: 1936இல் ‘அகில இந்திய வானொலி’ எனப் பெயர் மாற்றம் செய்யப்பட்டது. தேசிய, மாநில, உள்ளூர் நிகழ்ச்சிகள் ஒளிபரப்பப்படுகின்றன. பண்பலை வரிசை ஒலிபரப்பு 1977இல் சென்னையில் துவக்கப்பட்டு, தனியார் நிறுவனங்கள் மூலம் பொழுதுபோக்கு நிகழ்ச்சிகளை வழங்குகின்றன.
  • தொலைக்காட்சி: 1959இல் ‘டெல்லி தொலைக்காட்சி மையமாக’ தொடங்கப்பட்டு, 1976 முதல் ‘தூர்தர்சன்’ என்ற பெயரில் செயல்பட்டு வருகிறது. செய்திகள், நிகழ்ச்சிகள், கல்வி சார்ந்த நிகழ்ச்சிகள் ஒளிபரப்பப்படுகின்றன.
  • பத்திரிக்கை தகவல் தொடர்பு: 1868இல் ‘அமிர்த பஜார்’ பத்திரிக்கை ஆரம்பித்தது. இந்திய அரசியலமைப்புச் சட்டம் – பிரிவு 19 பத்திரிக்கைக்கு சுதந்திரப் பாதுகாப்பு அளிக்கிறது. நடுநிலையோடு செயல்பட்டு மக்களின் குரலாக ஒலிக்கின்றன. தற்போது 101 மொழிகளில் நாளிதழ்கள் வெளியிடப்படுகின்றன, இணையம் மூலம் உலகம் முழுவதும் சென்றடைகின்றன.
  • திரைப்படங்கள் மூலம் தகவல் தொடர்பு: 1931இல் பேசும் திரைப்பட சகாப்தம் தொடங்கியது. கிராபிக்ஸ், 3D அனிமேஷன் மூலம் பல தந்திரக் காட்சிகள் உருவாக்கப்பட்டு, மக்களை நல்வழிக்கு அழைத்துச் செல்லும் சாதனமாகத் திகழ்கின்றன.

இந்தியாவில் தொழில்நுட்ப சேவைகளின் வளர்ச்சி:

  • இந்தியப் பல்கலைக்கழகங்கள் மற்றும் பொறியியல் கல்லூரிகள் கணினிப் பாடத்தைப் புகுத்தி ஏராளமான பட்டதாரி இளைஞர்களை உருவாக்கின. ஆங்கிலக் கல்விக்கு முக்கியத்துவம் அளிக்கப்பட்டதால், இந்தியப் பொறியியல் பட்டதாரிகள் ஆங்கிலத்திலும் போதுமான அறிவு பெற்றிருந்தனர்.
  • வேலைவாய்ப்புகள்: 
    • கணிப்பொறித் துறையில் கற்றுத் தேர்ந்த இந்திய மாணவர்களுக்கு அமெரிக்கா மற்றும் பிற நாடுகளில் பெரும் வரவேற்புக் கிடைத்தது. மைக்ரோசாஃப்ட் நிறுவனத்தில் 40 சதவீதம் இந்தியர்கள் பணியாற்றுகின்றனர்.
    • வெளிநாட்டுத் தகவல் தொழில்நுட்ப நிறுவனங்கள் இந்தியாவில் கிளைகளை நிறுவி, ஏராளமானோர்க்கு வேலைவாய்ப்பு அளித்தன.
    • தகவல் தொழில்நுட்பம் சார்ந்த அயலாக்கச் சேவைகளால், வெளிநாட்டு வேலைகள் இந்திய இளைஞர்களைத் தேடிவரத் தொடங்கின.
  • இந்திய அரசின் நடவடிக்கைகள்: நாஸ்காம் அமைப்பின் பரிந்துரைகளை ஏற்று, 2002ஆம் ஆண்டு அரசு பல ஆக்கபூர்வமான நடவடிக்கைகளை மேற்கொண்டது. இவை பேரழிவு மீட்பு, அலைக்கற்றைப் பகிர்வு, அழைப்புதவி மையங்களுக்கான விதிகள், வருமான வரி விலக்கு, மூலதனப் பொருட்கள் இறக்குமதி சலுகைகள் போன்றவற்றை உள்ளடக்கியது.
  • தமிழ் இணையக் கல்விக்கழகம் குறித்து எழுதுக.

தமிழ் இணையக் கல்விக்கழகம்:

  • நோக்கம்: இணையம் வழியாகத் தமிழ் ஆதாரங்களை (மொழி, இலக்கியம், கலை, பண்பாடு) தமிழ்ச் சமுதாயத்தினருக்கும், தமிழ் ஆர்வலர்களுக்கும் அளிப்பது.
  • நிறுவல்: 18.5.2000இல் தமிழக அரசால் நிறுவப்பட்டு, 16.07.2010இல் ‘தமிழ் இணையப் பல்கலைக்கழகமாக’ இருந்து ‘தமிழ் இணையக் கல்விக்கழகமாக’ பெயர் மாற்றம் செய்யப்பட்டது.
  • செயல்பாடுகள்: அரிச்சுவடி முதல் பட்டப்படிப்பு வரையிலான கல்வித் திட்டங்கள், அரிய அச்சு நூல்கள், செய்தித்தாள்கள், பருவ இதழ்கள் போன்றவற்றை மின்னுருவாக்கம் செய்தல், மாற்றுத்திறனாளிகள் உட்பட அனைவரும் பயன்படுத்தும் வகையில் மின் நூலகம் வடிவமைத்தல், தமிழ்ப் பண்பாட்டுக் கூறுகளை ஆவணப்படுத்துதல், கணினித் தமிழ் ஆய்வினை ஊக்குவித்தல்.
  • தமிழ் மென்பொருள் உருவாக்கல்: தமிழக அரசின் முகவராகச் செயல்பட்டு, தமிழில் மென்பொருட்களை உருவாக்க நிதியுதவி அளிக்கிறது, மேலும் மென்பொருட்களைச் சோதித்துச் சான்றளிக்கிறது.
  • கல்வித் திட்டங்கள்: மழலைக்கல்வி, இளநிலைத் தமிழியல் பட்டக் கல்வி, தமிழர் தகவலாற்றுப்படை, தமிழ் மின்நிகண்டு, மின்கற்றலுக்கான இணையதளம், மின்நூலகம் உருவாக்குதல், தமிழ்ப் பெருங்களஞ்சியத் திட்டம், தமிழ் மென்பொருள்கள் உருவாக்கம், புதிய பாடத்திட்டங்கள், புதிய கல்வித்திட்டம், மாணவர்களுக்கான குறுஞ்செயலிகள்.

மூன்றாம் பருவம் – அலகு 3- வினாக்களுக்கான விடைகள்

 மூன்றாம் பருவம்

அலகு – 3 – குறுவினாக்கள் மற்றும் விடைகள்

  • ஐரோப்பியர் காலம் 
    • கி.பி. 16 – கி.பி. 20
  • இராபர்ட் டி நொபிலி குறித்து எழுதுக. 
    • இத்தாலியிலிருந்து கி.பி.1606இல் தமிழ்நாட்டிற்கு வந்தார்.
    • தமிழையும் வடமொழியையும் கற்று, தன் பெயரை ‘தத்துவ போதகர்’ என்று மாற்றிக் கொண்டார்.
    • ‘முதல் உரைநடை நூலைத் தமிழில் எழுதினார்’.
  • தத்துவப்போதகர் என்று அழைக்கப்பட்டவர் யார்? 
    • தத்துவப்போதகர் என்று அழைக்கப்பட்டவர் இராபர்ட் டி நொபிலி ஆவார்.
  • இராபர்ட் டி நொபிலி எழுதிய நூல்களைப் பாட்டியலிடுக. 
    •  மந்திர மாலை
    • ஆத்தும நிரணயம்
    • கடவுள் நிர்ணயம்
    • நீதி மாலை
  • ஹென்றிக் பாதிரியார் குறித்து எழுதுக.
    • போர்ச்சுகீசிய நாட்டிலிருந்து தமிழகக் கடற்கரை மக்களுக்குத் தொண்டு புரிய வந்தவர்.
    • முதன் முதலில் தமிழ் எழுத்துக்களால் ‘விவிலியத்தை’ அச்சேற்றியதால் இவர் ‘தமிழ் அச்சின் தந்தை’ என்று போற்றப்படுகிறார்.
    • இயற்றிய நூல்கள்: தம்பிரான் வணக்கம், கிரீசித்தாணி வணக்கம்.
  • வீரமாமுனிவர் குறித்து வரைக.
    • இத்தாலியில் பிறந்த கான்சடன்டைன் ஜோசப் பெஸ்கி, 1710இல் தமிழகம் வந்தார்.
    • ‘சுப்பிரதீபக் கவிராயர்’ என்பவரிடம் தமிழ் கற்று, தன்பெயரை ‘வீரமாமுனிவர்’ என மாற்றிக் கொண்டார்.
    • எழுதிய நூல்கள்:
      • தொன்னூல் விளக்கம்
      • சதுரகராதி
      • பரமார்த்த குரு கதை
      • தேம்பாவணி
  • வீரமாமுனிவர் இயற்றிய நூல்களில் எவையேனும் நான்கினை எழுதுக. 
    • தொன்னூல் விளக்கம்
    • சதுரகராதி
    • பரமார்த்த குரு கதை
    • தேம்பாவணி
  • சுவடி தேடும் சாமியார் என்று அழைக்கப்பட்டவர் யார்? 
    • சுவடி தேடும் சாமியார் என்று அழைக்கப்பட்டவர் வீரமாமுனிவர் ஆவார்.
  • ஜி. யு. போப் பற்றி எழுதுக.
    • 1839இல் தமிழ்நாட்டிற்கு வந்தார்
    • தனது கல்லறையின்மீது ‘இங்கே ஒரு தமிழ் மாணவன் உறங்கிக் கொண்டிருக்கிறான்’ என்று செதுக்கப்படவேண்டும் என எழுதி வைத்தார்.
    • 1886இல் முதன் முதலாக திருக்குறளை ஆங்கிலத்தில் மொழிபெயர்த்தார்.
    • நாலடியார், புறப்பொருள் வெண்பாமாலை, புறநானூறு ஆகியவற்றை ஆங்கிலத்தில் மொழிபெயர்த்தார்.
  • ஜி. யு. போப் மொழிபெயர்த்துள்ள நூல்களைப் பட்டியலிடுக.
    • திருக்குறள்
    • திருவாசகம்
    • நாலடியார்
    • புறப்பொருள் வெண்பாமாலை
    • புறநானூறு 
  • டச்சுக்காரர்களின் வர்த்தக மையங்கள் யாவை? 
    • பழவேற்காடு 
    • பாட்னா
    • சூரத்
    • காசிம்பஜார்
    • சின்சுரா
  • டேனிஸ்காரர்கள் குறித்து எழுதுக.
    • டென்மார்க் நாட்டைச் சார்ந்த மக்கள் ‘டேனியர்கள்’ (டேனிஸ்காரர்கள்) என்று அழைக்கப்பட்டனர்.
    • கி.பி.1620இல் தரங்கம்பாடியிலும், 1676இல் வங்காளத்தில் உள்ள சீராம்பூரிலும் ‘வாணிப மையங்களை’ ஏற்படுத்தினர்.
  • பிரெஞ்சுகாரர்களின் முதல் வர்த்தக மையம்  எது?
    • சூரத்
  • ஆங்கிலேய கிழக்கிந்திய கம்பெனியின் எப்போது யாரால் தொடங்கப்பட்டது? 
    • நூறு லண்டன் வியாபாரிகள் ஒன்று சேர்ந்து ‘ஆங்கில கிழக்கிந்திய கம்பெனி’யை தோற்றுவித்தனர். இக்கம்பெனிக்கு 31.12.1600 இல் இங்கிலாந்து அரசி முதலாம் எலிசபெத் வியாபாரம் செய்வதற்கான அனுமதியை வழங்கினார்.
  • பாளையக்காரர்களின் அதிகார வரம்புகளைப் பட்டியலிடுக.
    • நிதித்துறை
    • நீதித்துறை
    • இராணுவம்
  • திருநெல்வேலி கூடிணைப்பு குறித்து எழுதுக.
    • ஆங்கிலேயரை எதிர்த்து தமிழகத்தில் மானத்தைக் காக்கவேண்டும் என வீரபாண்டியன் எண்ணி, திருநெல்வேலி பாளையக்காரர்கள் அனைவரையும் ஒன்று சேர்த்து ஒரு கூட்டணியை உருவாக்கினார்.
    • இதில் பாஞ்சாலங்குறிச்சி, சாத்தூர், குளத்தூர், நாகலாபுரம், மன்னார் கோட்டை, கோலார் பட்டி, கடல்குடி, ஏழாயிரம் பண்ணை, சென்னல்குடி ஆகிய பாளையங்கள் அடங்கும்.
  • வேலுநாச்சியார் குறித்து எழுதுக.
    • 1746இல் சிவகங்கைச் சீமை மன்னர் முத்து வடுகநாதத் தேவருக்கு மகளாகப் பிறந்த வேலுநாச்சியார் பல மொழிகள் கற்று, ஆயுதப்பயிற்சி பெற்றார்.
    • மருது சகோதரர்களின் பெரும் முயற்சியினால் சிவகங்கை மக்களை ஒன்றுதிரட்டி ஓர் ‘எதிர்ப்புப்படையை’ உருவாக்கினர். வேலுநாச்சியார் மருது சகோதரர்களே இப்போராட்டத்துக்குத் தலைமை தாங்கினர்.
    • ராணி வேலுநாச்சியார் சிவகங்கை சீமையின் முதல் ராணியாக முடிசூட்டப்பட்டார்.
    • இவர் இந்தியாவின் முதல் பெண் விடுதலைப் போராட்ட வீராங்கனை ஆவார்.
  • மருதுபாண்டியர் குறிப்பு வரைக.
    • கி.பி. 1780 முதல் 1801 வரை சிவகங்கைச் சீமையை ஆண்டவர்கள் மருதுசகோதரர்கள் ஆவார்.
    • சின்னமருது, பெரியமருது என அழைக்கப்படும் இவர்களின் புரட்சிக் கோட்டையாக ‘காளையார் கோவில்’ விளங்கியது.
    • ஆங்கிலேயர்களுக்கு எதிரான புரட்சியில் அனைவரும் இணைந்து செயல்பட மருதுசகோதரர்கள் ஒரு ‘சிவகங்கைக் கூட்டிணைப்பை’ உருவாக்கினர்.
  • திண்டுக்கல் கூடிணைப்பு குறித்து எழுதுக.
    • திண்டுக்கல் கூட்டிணைப்பில் தாராபுரம், தேவதானம், கரூர், கன்னிவாடி, காங்கேயம், கொழுமம், சங்ககிரி, மணப்பாறை ஆகிய பாளையங்கள் இருந்தன.
  • வேலூர் கலகம் குறித்து எழுதுக.
    • ஆங்கிலேயர்கள் இராணுவத்தில் புகுத்திய சில கட்டுப்பாடுகள் (இந்து வீரர்கள் சமயக் குறிகளை இடக்கூடாது, முஸ்லிம் வீரர்கள் தாடி மீசைகளை சுத்தமாக வைத்துக் கொள்ளவேண்டும்) ராணுவ வீரர்களிடையே கடும் கோபத்தை ஏற்படுத்தின. திப்புவின் பிள்ளைகளை ஆங்கிலேயர்களுக்கு எதிராகக் கிளர்ச்சியில் ஈடுபடத் தூண்டினர்.
    • 9.7.1806இல் வேலூர் கோட்டையில் நடைப்பெற்ற திருமணத்தில் கலந்துகொள்ள வீரர்கள் கூடினர்.
    • நள்ளிரவில் இங்கு கூடியிருந்த வீரர்கள் கிளர்ச்சியில் ஈடுபட்டு ஆங்கிலேயர்களைத் தாக்கி ஜீலை 10ஆம் நாள் கோட்டையைக் கைப்பற்றினர்.
  • வ. உ. சிதம்பரம்பிள்ளை குறிப்பு வரைக.
    • தூத்துக்குடி மாவட்டத்தில் உள்ள ஒட்டப்பிடாரம் என்னும் ஊரில் 5.9.1872இல் பிறந்தார்.
    • ‘செக்கிழுத்த செம்மல்’ என்றும், ‘கப்பலோட்டி தமிழன்’ என்றும் அழைக்கப்பட்டார்.
    • சுதேசி கப்பல் நிறுவனத்தைத் தோற்றுவித்து, தூத்துக்குடி – கொழும்பு இடையே கப்பல் போக்குவரத்தைத் துவங்கினார்.
  • வ. உ. சிதம்பரம்பிள்ளையின் சிறப்புப்பெயர்களை எழுதுக. 
    • செக்கிழுத்த செம்மல்
    • கப்பலோட்டி தமிழன் 
  • பாரதியார் குறித்து எழுதுக. 
    • எட்டயபுரத்தில் 11.12.1882இல் பிறந்தார்.
    • சுதேசமித்ரன் பத்திரிகையின் உதவி ஆசிரியராகப் பணியாற்றினார். 1907இல் சூரத்தில் நடைபெற்ற காங்கிரஸ் மாநாட்டில் கலந்துகொண்டார்.
    • 1907இல் தமிழ் வாரப் பத்திரிக்கையான ‘இந்தியா’ பத்திரிகையின் ஆசிரியரானார். அதே சமயத்தில் ‘பாலபாரதம்’ என்ற ஆங்கிலப் பத்திரிகையை வெளியிட்டார்.
  • பாரதியார் நடத்திய  இதழ்களின் பெயர்களை எழுதுக.  
    • இந்தியா
    • பாலபாரதம்
  • திருப்பூர் குமரன் குறித்து எழுதுக.
    • ஈரோடு மாவட்டத்தில் சென்னிமலையில் 1904இல் பிறந்தார்.
    • சாகும் தருவாயில் தேசியக் கொடியைக் கையில் ஏந்தியபடி தனது தேசப்பற்றை வெளிப்படுத்தினார்.
    • இவர் தமிழக வரலாற்றில் ‘கொடிகாத்த குமரன்’ என்று போற்றப்படுகிறார்.
  • காமராஜர் குறிப்பு வரைக.  
    • விருதுநகரில் 15.7.1903இல் காமராஜர் பிறந்தார்.
    • 1924இல் ‘வைக்கம் சத்தியாகிரகம்’ போராட்டத்தில் ஈடுபட்டதின் மூலம் சுதந்திரப்போராட்ட இயக்கத்தில் தன்னை ஈடுபடுத்திக்கொண்டார்.
    • காமராஜர் தமிழக முதலமைச்சராக 9 ஆண்டுகள் பணியாற்றினார்.
    • மதிய உணவுத்திட்டம், புதிய பள்ளிகளைத் திறந்தது, இலவச கல்வி வழங்குதல், வேளாண்மையை மேம்படுத்துதல், கால்வாய்களை வெட்டுதல், அணைகளைக் கட்டுதல் மற்றும் புதிய தொழிற்சாலைகளை அமைத்தல் போன்ற நடவடிக்கைகளை மேற்கொண்டார்.

பெருவினாக்கள்

  • ஐரோப்பியர்களின் இலக்கியப் பணி குறித்து எழுதுக. (அல்லது) ஐரோப்பியர் வரலாறு குறித்து கட்டுரை வரைக.

ஐரோப்பியர் கால வரலாறு

  • இந்தியாவிற்கும் ஐரோப்பிய நாடுகளுக்கும் இடையே வாணிபத் தொடர்பு அலெக்ஸாண்டர் வருகையால் மேலும் வளர்ச்சி அடைந்தது.
  • பட்டு, நறுமணப் பொருள்கள், மஸ்லின் கைத்தறி ஆடைகள், மிளகு, மிளகாய், பட்டை, இஞ்சி, தேங்காய், சர்க்கரை, சாயப்பொருள்கள் போன்றவை ஐரோப்பிய நாடுகளுக்கு ஏற்றுமதியாயின.
  • முக்கிய மூன்று வாணிப வழித்தடங்கள் இருந்தன: 
    • ஆப்கானிஸ்தான், மத்திய ஆசியா மற்றும் காஸ்பியன் கடல் வழியாக கருங்கடல், தரைப்பகுதி.
    • பாரசீகம் மற்றும் சிரியா வழியாக மத்திய தரைக்கடல் பகுதியில் அமைந்துள்ள அலெக்ஸாண்டிரியா.
    • அரபிக்கடல், பாரசீக வளைகுடா மற்றும் செங்கடல் வழியாக கடல்மார்க்கம்.
  • கி.பி.1453இல் ஆட்டோமானிய துருக்கியர்கள் ‘காண்ஸ்டாண்டி நோபிள் நகரத்தைக்’ கைப்பற்றி ஐரோப்பிய வணிகர்களுக்கு இடையூறுத் தந்தனர் மற்றும் வாணிபத்திற்குத் தடைவிதித்தனர்.
  • இதனால் ஐரோப்பியர்கள் இந்தியாவிற்கு புதிய கடல்வழி காணும் முயற்சியில் இறங்கினர்.

ஐரோப்பியர் காலம்

  • கி.பி. 16இல் தொடங்கி கி.பி.20 வரை உள்ள காலப்பகுதி இது.
  • ஐரோப்பியாவில் இருந்து வந்த கிறித்தவர்கள் தமிழ்நாட்டில் சமயப் பிரச்சாரம் செய்யும் நோக்கில் வந்தனர்.
  • தமிழ் எழுத்து வடிவில் இருந்த குறைபாடுகளை நீக்கி தமிழ்மொழிக்கும், தமிழ் உரைநடைக்கும் மிகப்பெரிய தொண்டு செய்தனர்.

அச்சு இயந்திரமும் அச்சேறிய நூல்களும்

  • ‘கார்த்தில்யா’ (லிஸ்பன், 1554) – ‘முதல் தமிழ் நூல்’ ஆகும்; இதில் தமிழ் ஒலிகளைச் குறிக்க உரோமருடைய எழுத்துக்கள் கையாளப்பெற்றிருந்தன.
  • ‘தம்பிரான் வணக்கம்’ (கொல்லம், 1577) – தமிழில் இரண்டாவதாக அச்சேறிய நூல்.
  • ‘கிரிசித்தியாலி வணக்கம்’ (கொச்சி, 1579) – தமிழில் மூன்றாவதாக அச்சேறிய நூல்.

இராபர்ட்-டி-நோபிலி

  • இத்தாலியிலிருந்து கி.பி.1606இல் தமிழ்நாட்டிற்கு வந்தார்.
  • தமிழையும் வடமொழியையும் கற்று, தன் பெயரை ‘தத்துவ போதகர்’ என்று மாற்றிக் கொண்டார்.
  • ‘முதல் உரைநடை நூலைத் தமிழில் எழுதினார்’.
  • இவர் இயற்றிய நூல்களில் சில: ஞானோபதேச காண்டம், மந்திர மாலை, ஆத்தும நிரணயம், சத்திய வேத இலட்சணம், கடவுள் நிர்ணயம், தத்துவ கண்ணாடி, ஏசுநாதர் சரித்திரம்.

ஹென்றிக் பாதிரியார்

  • போர்ச்சுகீசிய நாட்டிலிருந்து தமிழகக் கடற்கரை மக்களுக்குத் தொண்டு புரிய வந்தவர்.
  • முதன் முதலில் தமிழ் எழுத்துக்களால் ‘விவிலியத்தை’ அச்சேற்றியதால் இவர் ‘தமிழ் அச்சின் தந்தை’ என்று போற்றப்படுகிறார்.
  • இயற்றிய நூல்கள்: தம்பிரான் வணக்கம், கிரீசித்தாணி வணக்கம்.
  • இவரது 70 மடல்களின் தொகுதி ‘Documenta Indica’ ஆகும்.
  • ஐரோப்பியருள் முதன் முதலில் தமிழ் கற்றுத் தமிழ் நூலை அச்சேற்றிய பெருமைக்கு உரியவர்.

சீகன்பால்கு

  • ஜெர்மனியில் 10.7.1682இல் பிறந்தார்.
  • தமிழ்நாட்டிற்கு வந்த ‘முதலாவது புரட்டஸ்தாந்து கிறிஸ்தவ மத போதகர்’ ஆவார்.
  • ‘தமிழ் மொழியே எனக்கு தாய்மொழியாகிவிட்டது’ என்று பெருமையாகப் பதிவுச் செய்தார்.
  • இந்தியாவில் முதன் முதலாகத் தமிழ்மொழியில் புதிய ஏற்பாட்டினைக் காகிதத்தில் அச்சடித்து நூலாக வெளியிட்டார்.
  • திருக்குறள், தொல்காப்பியம், புறநானூறு, ஆத்திசூடி ஆகியவற்றை ஓலைச்சுவடியில் இருந்து காகிதத்தில் அச்சடித்துப் புத்தகமாக வெளியிட்டார்.
  • தரங்கம்பாடியில் சுமார் 300 நூல்கள் அடங்கிய நூலகத்தை உருவாக்கினார்.
  • பொறையாரில் அச்சகம், காகித ஆலை, மை தயாரிக்கும் தொழிற்சாலை, தமிழ் எழுத்துகள் தயாரிக்கும் கூடம் ஆகியவற்றை உருவாக்கித் தமிழ்நாட்டில் ‘அச்சுப்பண்பாடு’ வளரக் காரணமாக இருந்தார்.
  • தொழிலாளர்களுக்காக முதல் மிஷன் பாடசாலையையும் குழந்தைகள் இல்லத்தையும் நிறுவினார்.
  • இந்தியாவில் பெண் அடிமைத்தனத்தை ஒழிக்கப் பெண்களுக்கெனத் தனியாக ‘முதல் பள்ளிக்கூடத்தை அமைத்தார்’; விதவைகளை ஆசிரியர்களாக்கி ‘சமுதாய புரட்சிக்கு’ வித்திட்டார்.
  • இலத்தீன் மொழியில் தமிழ் இலக்கணம், தமிழ் ஜெர்மன் அகராதி, கொடுந்தமிழ் அகராதி, செந்தமிழ் அகராதி போன்ற நூல்களை இயற்றினார்.
  • இந்திய மொழிகளில் தமிழில் ‘வேதாகமத்தை’ முதன் முதலில் மொழிபெயர்த்து அச்சடித்து நூலாகத் தந்தவர்.
  • ‘இந்தியாவின் அச்சகத் தந்தை’ என போற்றப்படுகிறார்.

வீரமாமுனிவர்

  • இத்தாலியில் பிறந்த கான்சடன்டைன் ஜோசப் பெஸ்கி, 1710இல் தமிழகம் வந்தார்.
  • ‘சுப்பிரதீபக் கவிராயர்’ என்பவரிடம் தமிழ் கற்று, தன்பெயரை ‘வீரமாமுனிவர்’ என மாற்றிக் கொண்டார்.
  • உயிர்எழுத்து மற்றும் உயிர்மெய் எழுத்துக்களில் நெடில் ஓசையை குறிப்பதற்காக ‘ஆ, ஏ’ எனவும், நெட்டெழுத்து கொம்பை மேலே சுழித்தெழுதும் (கே,பே) வழக்கத்தையும் உண்டாக்கினார். இவர் செய்த தமிழ் எழுத்துச் சீர்திருத்தங்கள் இன்றளவும் பயன்பாட்டில் உள்ளன.
  • ‘தொன்னூல் விளக்கம்’ என்ற நூலில் எழுத்து, சொல், பொருள், யாப்பு, அணி ஆகிய ஐந்து இலக்கணங்களைத் தொகுத்தார்.
  • ‘முதல் தமிழ் அகரமுதலி’யான தமிழ்-லத்தீன் அகராதியை உருவாக்கினார்.
  • ‘சதுரகராதி’ உருவாக்கி நிகண்டுக்கு ஒரு மாற்றத்தைக் கொண்டு வந்தார்.
  • பரமார்த்த குரு கதை, தேம்பாவணி உள்ளிட்ட நூல்களை இயற்றினார்.
  • பேச்சு வழக்குத் தமிழிலும் உரைநடை எழுதியதால் ‘தமிழ் உரைநடையின் தந்தை’ என அழைக்கப்பட்டார்.
  • பட்டங்கள்: ‘சுவடி தேடும் சாமியார்’, ‘தமிழ் அகராதியின் தந்தை’, ‘செந்தமிழ் தேசிகர்’.

பெப்ரிஷியஸ்

  • ஜெர்மனியிலிருந்து 1740இல் இந்தியாவிற்கு வந்தார்.
  • தமிழகத்தில் 50 ஆண்டுகள் அருட்பணி புரிந்த பன்மொழிப் புலவர்.

டாக்டர் கால்டுவெல்

  • அயர்லாந்து நாட்டில் 7.5.1814இல் பிறந்தார்.
  • 1838இல் சென்னைக்கு வந்து தமிழகத்தின் இடையன்குடியில் மதப்பணியை மேற்கொண்டார்.
  • 50 ஆண்டு காலம் மொழி ஆராய்ச்சியில் ஈடுபட்டு, திராவிட மொழிகளின் தனித்துவத்தை நிலை நிறுத்தினார்.
  • திருநெல்வேலியில் அகழ்வாய்வுகளில் ஈடுபட்டுப் பண்டைய கட்டிடங்களின் அடிப்படைகளையும் ஈமத்தாழிகள், நாணயங்கள் ஆகியவற்றையும் வெளிக் கொணர்ந்தார்.
  • பாண்டிய நாட்டின் ‘மீன் சின்னம்’ பொறித்த தங்கக் காசுகளைக் கண்டறிந்தார்.
  • ‘திராவிட மொழிகளின் ஒப்பிலக்கணம்’ உள்ளிட்ட நூல்களை இயற்றினார்.

ஜி.யு. போப்

    • கனடாவில் 24.4.1820 இல் பிறந்தார்.
    • 1839இல் தமிழ்நாட்டிற்கு வந்தார்; 8 மாதங்களிலேயே தமிழை நன்குக் கற்றார்.
    • இங்கிலாந்து ஆக்ஸ்ஃபோர்டு பல்கலைக்கழகத்தில் 1885 முதல் 1908 வரை தமிழ் மற்றும் தெலுங்கு கற்பிக்கும் பேராசிரியராகப் பணியாற்றினார்.
    • இவரது கடைசி விருப்பமாக, கல்லறையில் தம்மை அடக்கம் செய்யும்போது தான் மொழிபெயர்த்து வெளியிட்ட ‘திருக்குறள் மற்றும் திருவாசகத்தையும்’ உடன் வைக்கவேண்டும்; தனது கல்லறையின்மீது ‘இங்கே ஒரு தமிழ் மாணவன் உறங்கிக் கொண்டிருக்கிறான்’ என்று செதுக்கப்படவேண்டும் என எழுதி வைத்தார்.
    • ‘Elementary Tamil Grammar’ என்ற தமிழ் இலக்கணத்தை மூன்று பாகமாக எழுதி உள்ளார்.
    • தமிழ்-ஆங்கில அகராதி ஒன்றையும், ஆங்கிலம்-தமிழ் அகராதி ஒன்றையும் வெளியிட்டார்.
    • 1886இல் முதன் முதலாக திருக்குறளை ஆங்கிலத்தில் மொழிபெயர்த்தார்.
    • நாலடியார், புறப்பொருள் வெண்பாமாலை, புறநானூறு, திருவருட்பயன் ஆகியவற்றை ஆங்கிலத்தில் மொழிபெயர்த்தார்.
    • இவரது திருவாசக மொழிபெயர்ப்பு சிறந்த படைப்பாகக் கருதப்படுகிறது.
    • ‘மறைநூற் புலவர்’ என்னும் பட்டம் பெற்றார்.
  • டச்சுக்காரர்கள் குறித்து எழுதுக.

டச்சுக்காரர்கள்

  • போர்ச்சுகீசியர்களைத் தொடர்ந்து இந்தியாவிற்கு வருகைப் புரிந்தனர்.
  • ‘நெதர்லாந்து ஐக்கிய கிழக்கிந்திய கம்பெனி’ 1602ல் தொடங்கப்பட்டது.
  • மசூலிப்பட்டினத்தில் அவர்களின் வர்த்தக மையத்தை நிறுவினர்.
  • போர்ச்சுகீசியரிடமிருந்து அம்பாய்னாவையும் நாகப்பட்டினத்தையும் கைப்பற்றினர்.
  • ஆரம்பத்தில் ‘பழவேற்காடு’ டச்சுக்காரர்களின் தலைநகராக இருந்தது, பின்னர் 1690ல் நாகப்பட்டினத்திற்கு மாற்றினர்.
  • பட்டு, பருத்தி, இண்டிகோ, அரிசி மற்றும் அபினி ஆகியவை டச்சுக்காரர்கள் வர்த்தகம் செய்த பொருள்கள்.
  • கருப்பு மிளகு மற்றும் மற்ற நறுமணப் பொருள்கள்மீதான வியாபாரத்தில் அவர்கள் ஏகபோக உரிமைப் பெற்றிருந்தனர்.
  • 1623இல் டச்சுக்காரர்கள் அம்பாய்னாவில் பத்து ஆங்கில வியாபாரிகள் மற்றும் ஒன்பது ஜப்பானியர்களைக் கொன்றனர்.
  • 1759இல் நடைப்பெற்ற ‘பெடரா போரில்’ ஆங்கிலேயர்கள் டச்சுக்காரர்களைத் தோற்கடித்தனர்.
  • 1795இல் டச்சுக்காரர்கள் தங்கள் குடியேற்றங்களை முழுமையாக ஆங்கிலேயரிடம் ஒப்படைத்தனர்.
  • தமிழ்நாட்டில்: 1613இல் பழவேற்காட்டில் கெல்டிரியா கோட்டையைக் கட்டினர்.
  • நாகப்பட்டினம், புன்னக்காயல், பரங்கிப்பேட்டை, கடலூர் மற்றும் தேவனாம்பட்டினம் ஆகியன டச்சுக்காரர்களின் கோட்டைகள் மற்றும் கைப்பற்றிய பகுதிகள்.
  • பிரெஞ்சுக்காரர் குறித்து எழுதுக. 

பிரெஞ்சுக்காரர்கள்

  • ‘பிரெஞ்சு கிழக்கிந்திய நிறுவனம்’ மன்னர் பதினான்காம் லூயியின் அமைச்சரான ‘கால்பர்ட்’ என்பவரால் 1664இல் உருவாக்கப்பட்டது.
  • இந்தியாவிற்கு வருகைத் தந்த ஐரோப்பிய நாடுகளுள் கடைசி ஐரோப்பிய நாடு ‘பிரான்சு’ ஆகும்.
  • கரோன் என்பவர் சூரத்நகரில் முதல் பிரெஞ்சு வணிகமையத்தை நிறுவினார்.
  • மார்ட்டின் என்பவர் 1673இல் பாண்டிச்சேரியில் குடியேற்றத்தை நிறுவினார்; இது இந்தியாவின் மிக முக்கியமான மற்றும் வளமான பிரெஞ்சு குடியேற்றமானது.
  • பிரான்காய்ஸ் மாட்டின் பாண்டிச்சேரியில் ‘செயின்ட் லூயிஸ்’ எனப்படும் கோட்டையை கட்டினார்.
  • கல்கத்தாவுக்கு அருகே ‘சந்திரநாகூர்’ என்ற நகரை நிர்மாணித்தது.
  • 1742இல் ‘ஜோசப் பிராங்காய்ஸ் டியூப்ளே’ பிரெஞ்சு கிழக்கிந்திய கம்பெனியின் ஆளுநராக நியமனம் செய்யப்பட்டார்.
  • ஆங்கிலேயர்களுக்கும், பிரெஞ்சுக்காரர்களுக்கும் ஆதிக்கப்போட்டி இந்தியாவில் ‘கர்நாடக போர்’ எனப் பிரதிபலித்தது.
  • இறுதியில் ஆங்கிலேயர்கள் வெற்றிப் பெற்று இந்தியாவில் தங்கள் ஆதிக்கத்தை நிலை நாட்டினர்; பிரெஞ்சுக்காரர்கள் இந்தியாவைவிட்டு வெளியேறினர்.
  • ஆங்கிலேய கிழக்கிந்திய கம்பெனி குறித்து எழுதுக.

ஆங்கிலேயர்கள்

  • கி.பி. 1588இல் உலகின் மிகப்பெரிய போர்க்கப்பலான ‘ஸ்பானிய ஆர்மடா’வை தோற்கடித்து இங்கிலாந்து ஐரோப்பாவில் அதிக கடல் வலிமை பெற்ற நாடாக விளங்கியது.
  • நூறு லண்டன் வியாபாரிகள் ஒன்று சேர்ந்து ‘ஆங்கில கிழக்கிந்திய கம்பெனி’யை தோற்றுவித்தனர். இக்கம்பெனிக்கு 31.12.1600 இல் இங்கிலாந்து அரசி முதலாம் எலிசபெத் வியாபாரம் செய்வதற்கான அனுமதியை வழங்கினார்.
  • 1608இல் வில்லியம் ஹாக்கின்ஸ் ஜஹாங்கீரின் அரசவைக்கு வியாபாரம் செய்யக் கோரிய அனுமதி கடிதத்துடன் வருகை புரிந்தார், ஆனால் தோல்வியடைந்தார்.
  • கி.பி. 1615இல் சர்தாமஸ்ரோ என்ற ஆங்கில வியாபாரி ஜஹாங்கீர் அரசவைக்கு வருகைப் புரிந்து இந்தியாவுடன் வியாபாரம் செய்வதற்கான அனுமதியைப் பெற்றார்.
  • குஜராத்தின் முகலாய ஆளுநரான இளவரசர் குர்ரம் ஆங்கிலேயருக்கு வணிக உரிமைகளை வழங்கினார்.
  • 1639இல் சந்திரகிரியின் அரசர் சென்னையை ஆங்கிலேயக் கிழக்கிந்திய கம்பெனிக்குக் கொடுத்து, ‘புனித ஜார்ஜ் கோட்டை’ கட்டிக் கொள்ள அனுமதி வழங்கினார். இந்திய மண்ணில் ஆங்கிலேயக் கிழக்கிந்திய வணிகக்குழு முதன் முதலாகப் பெற்ற நிலப்பகுதி இதுவே ஆகும்.
  • 1652இல் சென்னை ஓர் மாகாணமாக்கப்பட்டது, மீண்டும் 1684இல் மாகாண அந்தஸ்தைப் பெற்றது.
  • 1688இல் சென்னை ஒரு மேயரையும், பத்து உறுப்பினர்கள் அடங்கிய ஆலோசனைக் குழுவையும் கொண்ட நகராட்சி அரசைப் பெற்றிருந்தது.

கர்நாடகப் போர்கள் (1746-1763)

  • ஆங்கிலேயர் தங்கள் மேலாதிக்கத்தை நிலைநாட்ட 1746 முதல் 1763 வரை பிரெஞ்சுக்காரர்களுக்கு எதிராக மூன்று போர்களை நடத்தினர். இவை கர்நாடகப் பகுதியில் நடைப்பெற்றதால் ‘கர்நாடகப் போர்கள்’ என அழைக்கப்பட்டன.

முதல் கர்நாடகப் போர் (கி.பி. 1746-1748)

  • காரணம்: ஐரோப்பாவில் நடைபெற்ற ஆஸ்திரிய வாரிசுரிமைப் போர் இந்தியாவில் எதிரொலித்தது, இதில் இங்கிலாந்து ஆஸ்திரியாவிற்கும், பிரான்ஸ் அதற்கு எதிராகவும் இருந்தன.
  • நிகழ்வுகள்: 
    • ஃபார்னெட் தலைமையிலான ஆங்கிலக் கப்பற்படை சில பிரெஞ்சுக் கப்பல்களைக் கைப்பற்றியது.
    • ஃபிரான்சின் தீவின் ஆளுநராக இருந்த லா போர்டோனாய் எட்டு போர்க்கப்பல்களுடன் இந்தியப் பெருங்கடலுக்குள் நுழைந்து பைடன் தலைமையிலான ஆங்கிலக் கப்பற்படையைத் தோற்கடித்தார் (6.7.1746).
    • வெற்றிப்பெற்ற பிரெஞ்சுக் கப்பற்படை, பாதுகாப்பு இல்லாமல் இருந்த சென்னையை 15.9.1746இல் கைப்பற்றியது.
    • துய்ப்ளே சென்னையைக் கைப்பற்றி நவாப்பிடமே ஒப்படைப்பதாகக் கூறி அன்வாருதீனை சமாதானப்படுத்தினார். ஆனால், பின்னர் வாக்குறுதியளித்தபடி சென்னையை ஒப்படைக்க மறுத்தார்.
    • நவாப் அன்வாருதீனின் மகன் மாபுஸ்கான் தலைமையிலான 10,000 வீரர்கள் சாந்தோம், அடையாறு போர்களில் பிரெஞ்சுப் படைகளால் தோற்கடிக்கப்பட்டனர்.
  • விளைவு: 
    • 1748இல் ஐரோப்பாவில் இங்கிலாந்தும், பிரான்சும் ஐ.லா.சபேல் உடன்படிக்கையில் கையெழுத்திட்டன.
    • இதன்படி, இந்தியாவில் ஆங்கிலேயரும், பிரெஞ்சுக்காரரும் தங்கள் மோதல்களை முடித்துக்கொண்டனர்.
    • பிரெஞ்சுக்காரர் சென்னையை ஆங்கிலேயருக்குத் திருப்பித் தருவது என்றும், அதற்கு மாறாக வட அமெரிக்காவில் லூயிஸ்பர்க் என்ற இடத்தை பிரெஞ்சுக்காரருக்குக் கொடுப்பது என்றும் ஒப்புக்கொள்ளப்பட்டது.

இரண்டாம் கர்நாடகப் போர் (1749-1754)

  • காரணம்: ஐரோப்பாவில் அமைதி நிலவினாலும், இந்தியாவில் காலனி நாடுகளால் அமைதியாக இருக்க முடியவில்லை. சுதேச அரசர்களை ஒருவருக்கு எதிராக மற்றொருவரைத் தூண்டிவிட்டனர். ஆற்காடு, ஹைதராபாத் அரசுகளில் ஏற்பட்ட வாரிசுரிமைப் போர்களில் துய்ப்ளே பிரான்சின் செல்வாக்கை மேம்படுத்த விரும்பினார்.
  • வாரிசுரிமைப் போர்கள்: 
    • ஹைதராபாத்: 1748இல் நிஜாம் ஆசப்ஜா மரணமடைந்தவுடன், துய்ப்ளே அவரது பேரன் முசாபர் ஜங்கை ஆதரித்தார். ஆங்கிலேயர் எதிர் போட்டியாளரான நாசிர் ஐங்கை ஆதரித்தனர்.
    • ஆற்காடு: துய்ப்ளே முகமது அலிக்கு எதிராக சந்தா சாகிப்பை ஆதரித்தார். ஆங்கிலேயர் முகமது அலியையும் ஆதரித்தனர்.
  • நிகழ்வுகள்: 
    • பிரெஞ்சுக்காரர் நிஜாம், கர்நாடக நவாப் ஆகியோரிடையே ‘முக்கூட்டு உடன்படிக்கை’ ஏற்பட்டது.
    • 1749இல் நடைப்பெற்ற ஆம்பூர் போரில் நவாப் அன்வாருதீன் கொல்லப்பட்டார்.
    • பிரெஞ்சுப் படைகளால் நாசிர் ஐங் கொல்லப்பட்டு, முசாபர் ஐங் 1750 டிசம்பரில் ஹைதராபாத்தின் நிஜாமாக ஆக்கப்பட்டார்.
    • முசாபர் ஜங் கொல்லப்பட்ட பிறகு, பிரெஞ்சுத் தளபதி புஸ்ஸி பாதுகாப்புக்கு அனுப்பப்பட்டார்.
  • விளைவு: துய்ப்ளேயின் கனவு சில காலம் நனவாகலாம் என்ற நிலை இருந்தது. அவர் நிஜாமிடமிருந்தும், ஆற்காடு நவாப்பிடமிருந்தும் பெருமளவு பணத்தையும், நிலங்களையும் பெற்றார்.

மூன்றாம் கர்நாடகப் போர் (1756-1763)

  • காரணம்: ஐரோப்பாவில் 1756இல் தொடங்கிய ‘ஏழாண்டுப் போரின்’ விளைவே மூன்றாம் கர்நாடகப் போர் ஆகும்.
  • நிகழ்வுகள்: 
    • பிரெஞ்சு தளபதி கவுண்ட்-டி-லாலி, ஆங்கிலேயரின் புனித டேவிட் கோட்டையைக் கைப்பற்றினார்.
    • தளபதி புஸ்ஸி ஹைதராபாத்தைவிட்டு சென்னைக்கு வந்தபோது, ஆங்கிலேயர்கள் ஹைதராபாத்தைக் கைப்பற்றினர்.
    • புஸ்ஸி மற்றும் கவுண்ட்-டி-லாலி இருவரும் இணைந்து சென்னையைத் தாக்கினர்.
    • ஆங்கில தளபதி சர் அயர்கூட் பிரெஞ்சுப்படையை கி.பி. 1760இல் வந்தவாசி போர்க்களத்தில் தோற்கடித்தார். இது பிரெஞ்சுக்காரர்களுக்கு பெரும் சரிவை ஏற்படுத்தியது.
    • கி.பி. 1761இல் பிரெஞ்சுத்தளபதி ‘கவுண்ட்-டி-லாலி’ பாண்டிச்சேரியை ஆங்கிலேயரிடம் ஒப்படைத்தார். இந்தியாவில் பிரெஞ்சுக்காரர்களின் ஆதிக்கம் சரிவடைந்தது.
  • விளைவு: 
    • மூன்றாம் கர்நாடகப்போர் கி.பி. 1763இல் பாரிஸ் சமாதான உடன்படிக்கையின்படி முடிவுக்கு வந்தது.
    • பிரெஞ்சுக்காரர்கள் பாண்டிச்சேரி, காரைக்கால், சந்திரநாகூர், மாஹி ஆகிய நிலப்பகுதிகளை திரும்பப்பெற்றனர், ஆனால் அங்குக் கோட்டைகள் கட்டுவதற்கு அனுமதிக்கப்படவில்லை.
    • பிரெஞ்சுக்காரர்கள் இந்தியாவில் தங்களின் ஆதிக்கத்தையும், செல்வாக்கையும் ஒருசேர இழந்தனர். ஆங்கிலேயர்கள் வலிமை அடைந்தனர்.
  • வெற்றிக்கான காரணங்கள்: 
    • ஆங்கிலக் கிழக்கிந்திய நிறுவனம் தாய்நாட்டின் ஆதரவினையும், பொருளாதார உயர்நிலையையும் பெற்றிருந்தது.
    • ஆங்கிலேயரின் ‘கடற்படை வலிமை’ அவர்களுக்கு உறுதுணையாக இருந்தது.
    • பிரெஞ்சுத் தளபதிகளின் தவறான வியூகம் (சென்னையைக் கைப்பற்ற படையெடுத்தது).
    • பிரான்ஸ் முழுமனதோடு இப்போரில் ஈடுபடமுடியவில்லை, ஆனால் இங்கிலாந்து முழுமையான வெற்றியைப் பெற்றது.
    • இதுவே இந்திய வரலாற்றின் போக்கை மாற்றி, இந்தியாவை ஆளும் சக்தியாக இங்கிலாந்து வலுப்பெற்றது.

வங்காளம்

  • பிளாசிப் போர் (1757):
      • முகலாயப் பேரரசில் வளமான நிலப்பகுதியாக இருந்த வங்காளம் ‘அலிவர்திகான்’ தலைமையில் சுதந்திரமான பேரரசாக உருவானது. அவர் மறைவுக்குப் பிறகு அவரது பேரன் ‘சிராஜ்உத்-தௌலா’ வங்காளத்தின் நவாப் ஆனார்.
      • ஆங்கிலேயர்கள் அனுமதியின்றி கோட்டைகளைக் கட்டி வலிமைப்படுத்தியதை சிராஜ்உத்-தௌலா எதிர்த்தார். பிரான்ஸ் நவாப்பின் ஆணையை ஏற்றுக்கொண்டது, ஆனால் இங்கிலாந்து ஏற்கமறுத்தது.
      • ஆங்கிலக் கிழக்கிந்திய நிறுவனம் வியாபார சலுகைகளைத் தவறாகப் பயன்படுத்தியதால், சிராஜ்உத்-தௌலா கோபமடைந்தார்.
      • சிராஜ்உத்-தௌலா பெரும்படையுடன் சென்று கல்கத்தாவைக் கைப்பற்றி 146 ஆங்கிலேயப் போர் வீரர்களைச் சிறையில் அடைத்தார்; அதில் 23 பேரே உயிருடன் இருந்தனர். இந்நிகழ்வு ‘கல்கத்தா இருட்டறை துயரச் சம்பவம்’ என அழைக்கப்படுகிறது.
      • இச்செய்தியைக் கேள்வியுற்ற சென்னை நிர்வாகம் தளபதி வாட்சன் மற்றும் ராபர்ட் கிளைவ் ஆகியோரை வங்காளத்திற்கு அனுப்பியது, அவர்கள் கல்கத்தாவைத் திரும்பக் கைப்பற்றினர்.
      • 23.5.1757இல் சிராஜ்உத்-தௌலா, ராபர்ட் கிளைவ் ஆகியோரின் படைகள் கல்கத்தாவிற்கு அருகே உள்ள பிளாசி என்ற இடத்தில் போரிட்டன. இப்போரில் சிராஜ்உத்-தௌலா தோற்கடிக்கப்பட்டு கொல்லப்பட்டார்.
      • வங்காளத்தில் நிர்வாகியாக ‘மீர்ஜாபரை’ ஆங்கிலேயர்கள் நியமித்தனர், இவர் ஆங்கில கிழக்கிந்திய நிறுவனத்தின் பொம்மையாகச் செயல்பட்டார்.
      • பின்னர், ஆங்கில நிர்வாகம் மீர்ஜாபரை அகற்றிவிட்டு அவரது மருமகன் மீர்காசிம்மை வங்காளத்தின் நவாப்பாக அறிவித்தது.
  • பக்சார் போர் (1764):
    • மீர்காசிம் வங்காள நவாப் ஆன பிறகு இந்திய வியாபாரிகளுக்கு உதவ சுங்கவரியை ரத்துச் செய்தார், இது ஆங்கிலேயர்களுக்குக் கோபத்தை ஏற்படுத்தியது.
    • ஆங்கிலேயப்படை மீர்காசிம்மைத் தோற்கடித்தது. தோற்கடிக்கப்பட்ட மீர்காசிம் அயோத்தியை ஆட்சிச் செய்த ஷூஜா உத்-தௌலாவிடம் அடைக்கலம் ஆனார்.
    • முகலாய பேரரசர் இரண்டாம் ஷாஆலம், ஷூஜா உத்-தௌலா, மீர்காசிம் ஆகிய மூன்று மன்னர்களும் ஒன்று சேர்ந்து ஆங்கிலேயர்களின் ஆட்சியை முடிவுக்குக் கொண்டுவரப் போரிடத் தயாரானார்கள்.
    • 22.10.1764இல் ‘பக்ஸார்’ என்ற இடத்தில் இந்திய மன்னர்களின் கூட்டுப்படை ஆங்கிலேயப் படையை எதிர்கொண்டன, ஆனால் தோற்கடிக்கப்பட்டன.
    • மீர்காசிம் போர்க்களத்தைவிட்டுத் தப்பி ஓடினார். இரண்டாம் ஷாஆலம், ஷூஜா உத்-தௌலா ஆகியோர் ஆங்கிலேயரிடம் சரணடைந்தனர்.
    • ஆங்கிலேயர்கள் பிளாசியில் பெற்ற வெற்றி பக்ஸாரில் நிலைநிறுத்தப்பட்டது.

மைசூர்ப் போர் (1767-1769)

  • முதல் ஆங்கில – மைசூர் போர்: 
    • ராபர்ட் கிளைவ் வங்காளத்தின் நிர்வாகியாக இருந்தபோது மைசூரில் ஹைதர்அலி வலிமை மிகுந்த ஒரு பேரரசை உருவாக்கி இருந்தார்.
    • ஹைதர்அலியின் வலிமையும், பிரான்ஸ் நாட்டோடு அவர் கொண்டு இருந்த நல்லுறவும் ஆங்கிலேய நிர்வாகத்திற்கு கவலையளித்தன.
    • நிகழ்வுகள்: 
      • கி.பி. 1766இல் ஹைதர்அலிக்கு எதிராக இங்கிலாந்து மராத்தியரோடும், ஹைதராபாத் நிஜாமோடும் ஓர் உடன்படிக்கை செய்து கொண்டது.
      • ஹைதர்அலி தனது மதிநுட்பத்தினாலும் கையூட்டின் மூலமாகவும் மராட்டியர்களையும், ஹைதராபாத் நிஜாமையும் நண்பர்களாக்கிக் கொண்டார்.
      • கி.பி. 1767இல் ஹைதர்அலி மற்றும் நிஜாமை ஆங்கிலேயர்கள் ‘சங்கமா’ என்ற இடத்தில் தோற்கடித்தனர்.
      • ஹைதர்அலி ஆம்பூர், மங்களூர் ஆகிய இடங்களைக் கைப்பற்றி, பின்னர் கரூர், தஞ்சாவூர், கடலூர், பாராமஹால் ஆகிய இடங்களையும் கைப்பற்றினார்.
      • ஹைதர்அலி சென்னையை முற்றுகையிட்டது ஆங்கிலேயர்களுக்கு பெரும் அதிர்ச்சியை அளித்தது.
      • ஆங்கிலேயர்கள் கி.பி. 1769இல் ஹைதர்அலியோடு மதராஸ் (சென்னை) அமைதி உடன்படிக்கையில் கையெழுத்திட்டனர்.

இராபர்ட் கிளைவ்

  • கி.பி. 1765இல் வங்காளத்தின் கவர்னராக ராபர்ட் கிளைவ் பொறுப்பேற்றார். அவரது முதல் ஆட்சிக்காலத்தில் வெற்றி வீரராகவும், இரண்டாவது ஆட்சிக்காலத்தில் சிறந்த நிர்வாகியாகவும் விளங்கினார்.
  • நிர்வாகச் சீர்திருத்தங்கள்: 
    • ஆங்கிலக் கிழக்கிந்திய கம்பெனி ஊழியர்கள் இந்தியர்களிடம் இருந்து அன்பளிப்பு பெறக்கூடாது என்றார்.
    • ஊழியர்கள் தனிப்பட்ட முறையில் வியாபாரம் செய்யக்கூடாது என்றார், மேலும் ஊதியத்தை உயர்த்தினார்.
    • அமைதி காலத்தில் இராணுவ அதிகாரிகளுக்கு இரட்டை ஊக்கத்தொகை அளித்தார்.
    • கம்பெனி ஊழியர்கள் மற்றும் அவர்களின் விதவைகளுக்கு உதவ ‘கிளைவின் நிதி’ ஒன்றை உருவாக்கினார்.
    • முகலாயப் பேரரசர் இரண்டாம் ஷா ஆலமிடமிருந்து வங்காளத்தின் உரிமையியல் மற்றும் குற்றவியல் உரிமைகளைப் பெற்ற பிறகு, வங்காளத்தில் இரட்டை ஆட்சியை அறிமுகப்படுத்தினார்.
    • இந்த இரட்டை ஆட்சியின்படி, ஆங்கிலேயர்கள் அனைத்து அதிகாரத்தையும் பெற்றனர், ஆனால் எந்தப் பொறுப்பையும் ஏற்கவில்லை; நவாப் அனைத்துப் பொறுப்பையும் ஏற்றார், ஆனால் அதிகாரம் பெறவில்லை.
    • மக்களின் நலனில் அக்கறை காட்டாததால், இந்த இரட்டை ஆட்சி முறை கி.பி. 1772இல் ரத்து செய்யப்பட்டு, வங்காளம் ஆங்கிலக் கிழக்கிந்திய நிறுவனத்தின் நேரடி ஆட்சியின்கீழ் கொண்டுவரப்பட்டது.
  • சுதந்திர போராட்டத்தில் தமிழகத்தின் பங்கு குறித்து விளக்குக.   

பாளையக்காரர்கள்

  • கி.பி. 17 மற்றும் 18ஆம் நூற்றாண்டுகளில் தமிழகம் எங்கும் ‘பாளையப்பட்டு ஆட்சிமுறை’ இருந்தது.
  • திருமலை நாயக்கர் காலத்தில் மதுரை நாட்டில் மட்டும் 72 பாளையப்பட்டுகள் இருந்தன. திருநெல்வேலி, மதுரை, இராமநாதபுரம், தஞ்சாவூர், திருச்சிராப்பள்ளி, திண்டுக்கல், கோயம்புத்தூர் ஆகிய பகுதிகளில் பாளையக்காரர்கள் அதிகம் இருந்தனர்.
  • பாளையப்பட்டு ஆட்சி முறை: 
    • பாளையக்காரர்களின் உள்நாட்டு ஆட்சியில் நாயக்கர் அரசோ, பிற அரசுகளோ தலையிடுவதில்லை.
    • நாட்டுப்படை, காவற்படை வருவாய், நீதி ஆகியவற்றைத் தங்கள் கட்டுப்பாட்டில் வைத்திருந்தனர்.
    • அரசுக்கோ அல்லது பேரரசுக்கோ உரிய தண்டல் தொகையையும், தேவைப்படும்போது படை உதவியும் அளிப்பது இவர்களுக்குரிய கடமையாக இருந்தது.
  • பாளையங்களின் அதிகார வரம்புகள் 3 வகைகளாகப் பகுக்கப்பட்டிருந்தன: நிதித்துறை, நீதித்துறை, இராணுவம். 
    • நிதித்துறை: குடிமக்களிடம் இருந்து வரி வசூலிக்கும் முழுப்பொறுப்பும் பாளையக்காரர்களிடம் இருந்தது. வசூலித்த வரியில் மூன்றில் ஒரு பங்கை மைய அரசுக்கும், மற்றொரு பங்கைத் தம்மிடம் உள்ள இராணுவத்திற்கும், மீதமுள்ள பங்கைச் சொந்த நிர்வாகச் செலவிற்கும் பகிர்ந்து அளிக்குமாறு நாயக்கர் அரசால் நெறிப்படுத்தப்பட்டிருந்தனர்.
    • நீதித்துறை: பாளையப் பகுதிக்குள் கொண்டு வரப்படும் அனைத்து வழக்குகளுக்கும் நீதி வழங்கும் தலைமை நீதிமன்றமாகப் ‘பாளையக்காரர்கள்’ விளங்கினர்.
    • இராணுவம்: பாளையங்கள் தாங்கள் வசூல் செய்யும் வரியில் மூன்றில் ஒரு பங்கை இராணுவத்திற்குச் செலவிடும் உரிமைப்பெற்று இருந்தனர். ஆபத்துக் காலங்களில் படை உதவி அளித்தவர்களுக்கு வரிக்கட்டுவதில் இருந்து விலக்கு அளிக்கப்பட்டது.
  • பாளையக்காரர் முறை ஒழிப்பு: கி.பி. 1801இல் சென்னை கவர்னர் எடவாட கிளைவ், பாளையக்காரர் முறைக்கு முற்றுப்புள்ளி வைத்து ஆணை பிறப்பித்தார். பின்னர் பாளையக்காரர்கள் ‘ஜமீன்தார்கள்’ எனப் பெயர் பெற்றனர்.

பூலித்தேவன்

  • மேற்குப்பிரிவில் மறவர் பாளையக்காரர்களுக்கும், தெற்குப்பிரிவில் தெலுங்கு பாளையக்காரர்களுக்கும் தலைவர்களாக நெல்கட்டும் சேவல் பாளையத்தின் பூலித்தேவனும், பாஞ்சாலங்குறிச்சியைச் சேர்ந்த கட்டபொம்மனும் இருந்தனர்.
  • இவ்விருவருமே நவாப்பிற்குச் செலுத்த வேண்டிய கப்பம் கட்ட மறுத்து கிளர்ச்சியில் ஈடுபட்டனர்.
  • 1755இல் மாபஸ்கான், பிரிட்டிஷ் படைத்தளபதி கர்னல் ஹெரானின் தலைமையிலான படைகளின் உதவியோடு பாளையக்காரர்கள் மீது படையெடுத்தார்.
  • பூலித்தேவனும், மறவர் பாளையக்காரர்களும் பிரிட்டிஷாருக்கு எதிராக உறுதியுடன் இருந்தனர்.
  • பூலித்தேவர் மறவர்களை ஒன்று சேர்த்து தனது நிலையை மேலும் வலிமைப்படுத்திக் கொண்டு, பிரிட்டிஷாருக்கு எதிராக மைசூரின் ஹைதர்அலி மற்றும் பிரெஞ்சுக்காரர்களின் உதவியையும் நாடினார்.
  • பிரிட்டிஷார் பூலித்தேவனையும் அவரது கூட்டாளிகளையும் அடக்கும் பொறுப்பை யூசுப்கானிடம் (கான்சாகிப்) ஒப்படைத்தனர்.
  • பூலித்தேவன் மதுரையைத் தாக்கி மாபஸ்கானிடமிருந்து அதனைக் கைப்பற்றினார். இது ஒரு இந்திய வீரர் பிரிட்டிஷாருக்கு எதிராக நின்று வெற்றிக்கொண்ட மகத்தான ராணுவ வெற்றியாகும்.
  • 1759இல் நெல்கட்டும் சேவல் மீது தாக்குதல் தொடர்ந்தது. 1767ல் அது கர்னல் காம்ப்பெல் என்பவரால் கைப்பற்றப்பட்டது. பூலித்தேவர் அங்கிருந்து தப்பியோடினார்.
  • பிரிட்டிஷ் ஆதிக்கத்தை ஒடுக்க வேண்டும் என்ற தனது எண்ணம் நிறைவேறாமலேயே அவர் இறந்தார். தென்னிந்திய வரலாற்றில் சுதந்திரப் போராட்டத்தைத் துவக்கிய பெருமைக்கு உரியவர் பூலித்தேவனே ஆவார்.

வீரபாண்டிய கட்டபொம்மன்

  • கி.பி. 1790 முதல் 1799 வரை பாஞ்சாலங்குறிச்சியை வீரபாண்டிய கட்டபொம்மன் ஆண்டார்.
  • ராமநாதபுரத்தில் கலெக்டர் ஜான்சன் கட்டபொம்மனை இழிவுப்படுத்திய முறைகளும், கைது செய்ய எடுத்த முயற்சிகளும் அவரைப் புரட்சி செய்யத் தூண்டின.
  • திருநெல்வேலிக் கூட்டிணைப்பு: ஆங்கிலேயரை எதிர்த்து தமிழகத்தில் மானத்தைக் காக்கவேண்டும் என வீரபாண்டியன் எண்ணி, திருநெல்வேலி பாளையக்காரர்கள் அனைவரையும் ஒன்று சேர்த்து ஒரு கூட்டணியை உருவாக்கினார். இதில் பாஞ்சாலங்குறிச்சி, சாத்தூர், குளத்தூர், நாகலாபுரம், மன்னார் கோட்டை, கோலார் பட்டி, கடல்குடி, ஏழாயிரம் பண்ணை, சென்னல்குடி ஆகிய பாளையங்கள் அடங்கும்.
  • ஆங்கிலேயரை எதிர்ப்பதற்கான காரணங்கள்: 
    • பாஞ்சாலங்குறிச்சி விடுதலை வேட்கையுடைய பாளையம்.
    • மருதுபாண்டியர் கூட்டிணைப்பால் தூண்டப்பட்டார்.
    • கலெக்டர் ஜாக்சனின் அடாவடிச் செயல்கள், அத்துமீறல்கள்.
    • ஆங்கிலேயரின் வரிவிதிப்பு முறையும், அதை வசூல் செய்யும் விதமும் பாளையங்களை பயங்கரச் சூழலில் கொண்டுபோய்விட்டது.
    • தாயக மக்கள் கட்டும் நிலவரி அன்னியரிடம் போகக் கூடாது என்ற தீவிர எதிர்ப்பு.
    • ஆங்கிலேய அதிகாரிகள் கட்டபொம்மனை அடிமையெனக் கருதி அவமானப்படுத்தியது.
    • “வானம் பொழிகிறது. பூமி விளைகிறது. நாங்கள் ஏன் உங்களுக்கு வரிகட்டவேண்டும்” என்று முழக்கமிட்டார்.
  • பானர்மேன் படையெடுப்பு: 
    • பாளையங்களை ஆங்கில நிர்வாகத்தின்கீழ் கொண்டு வரும் நோக்குடனும், அரசுக்கு எதிராகப் பாளையங்களைக் கூட்டிணைத்த கட்டபொம்மனைத் தண்டிக்கும் எண்ணத்துடனும் ஆங்கில அரசு பாஞ்சாலங்குறிச்சிமீது படையெடுக்கத் தீர்மானித்தது. மேஜர் பானர்மேனுக்கு இந்த அதிகாரம் தரப்பட்டது.
    • 5.9.1799இல் பாஞ்சாலங்குறிச்சிமீது பானர்மேன் படை தொடுத்தான்.
    • ஆங்கிலேயப்படை கோலார்ப்பட்டியில் கட்டபொம்மனிடம் போரிட்டு அவரைக் கைது செய்தது.
    • 16.10.1799இல் கட்டபொம்மன் விசாரிக்கப்பட்டு ‘கயத்தாற்றில்’ தூக்கிலிடப்பட்டார்.

ஊமைத்துரை

  • கட்டபொம்மனின் உறவினர்கள் அனைவரும் ஆங்கிலேயரால் உள்ளாக்கப்பட்டனர். அவர்கள் சிறையில் இருந்த வீரர்கள் தமிழகத்தைக் காக்கச் சிக்கல் ஏதுமின்றித் தப்பித்தனர்.
  • அவர்கள் ஒரு கூட்டமைப்பினை ஏற்படுத்தி ஊமைத்துரையின் தலைமையில் பாஞ்சாலங்குறிச்சிக் கோட்டையினை வலுப்படுத்தினர். இவர்களுக்கு மருதுபாண்டியர்கள் உறுதுணையாக நின்றனர்.
  • மக்காலேயின் படையெடுப்பு: மக்காலே தலைமையில் அனுப்பப்பட்ட படையை ஊமைத்துரையின் படைகள் தாக்கின. மக்காலே தாக்குப் பிடிக்க முடியாமல் பாளையங்கோட்டைக்குப் பின்வாங்கினார். 1801ஆம் ஆண்டு மார்ச் இறுதியிலும், ஏப்ரல் ஆரம்பத்திலும் நடைப்பெற்ற மற்றொரு போரிலும் மக்காலே தோல்வி அடைந்தார்.
  • அக்னு படையெடுப்பு: 1801ஆம் ஆண்டு மே திங்களில் அக்னு என்பாரின் தலைமையில் பெரும்படையொன்று ஊமைத்துரையை தோற்கடிக்க அனுப்பப்பட்டது.
  • போர் பாஞ்சாலங்குறிச்சியில் கடுமையாக நடைப்பெற்றபோது ஊமைத்துரை படுகாயம் அடைந்தார். கிராமப்புற மகளிர் அவரைப் பெரியம்மையால் இறந்த இளைஞன் எனக் கூறி காப்பாற்றினார்கள்.
  • மருதுபாண்டியரை சிறுவயலுக்கு அழைத்துச் சென்று மருத்துவ சிகிச்சை அளித்தனர். குணம் அடைந்தவுடன் மீண்டும் போருக்கு ஊமைத்துரை தயாரானார். அச்சமயத்தில் மருது சகோதரங்களும், அவர்களது படைகளும் ஆதரவு நல்கினர்.
  • தூக்கிலிடப்படுதல்: ஆங்கிலப்படையின் தலைவர் மேஜர் ஜோன்ஸ் ‘சத்திரப்பட்டி’ போர்க்களத்தில் ஊமைத்துரையைச் சந்தித்தார். போரில் ஊமைத்துரை தோல்வியடைந்து பின்வாங்கினார்.
  • இறுதியில் ‘வத்தலகுண்டு’ என்ற இடத்தில் அவரும், அவரது வீரர்கள் சிலரும் ஆங்கிலேயரால் சிறைப்படுத்தப்பட்டனர்.
  • 16.11.1801இல் பாஞ்சாலங்குறிச்சியில் ஊமைத்துரை தூக்கிலிடப்பட்டார்.

வேலுநாச்சியார்

  • 1746இல் சிவகங்கைச் சீமை மன்னர் முத்து வடுகநாதத் தேவருக்கு மகளாகப் பிறந்த வேலுநாச்சியார் பல மொழிகள் கற்று, ஆயுதப்பயிற்சி பெற்றார்.
  • ஆங்கிலேயர் படையெடுப்பு: 1772இல் ஐரோப்பியரின் படையெடுப்பால் கணவரை இழந்த வேலுநாச்சியார், நாட்டை மீட்டெடுக்க விருப்பாட்சியில் தங்கி காத்திருந்தார்.
  • வேலுநாச்சியார் ஹைதர்அலியை சந்தித்து உருது மொழியில் ஆங்கிலேயர் எதிர்ப்பு பற்றி விளக்கினார். வேலு நாச்சியாரின் உருது மொழித் திறமையைக் கண்டு ஆச்சர்யப்பட்ட ஹைதர்அலி உதவிகள் பல செய்வதாக உறுதியளித்தார்.
  • மருது சகோதரர்களின் பெரும் முயற்சியினால் சிவகங்கை மக்களை ஒன்றுதிரட்டி ஓர் ‘எதிர்ப்புப்படையை’ உருவாக்கினர். வேலுநாச்சியார் மருது சகோதரர்களே இப்போராட்டத்துக்குத் தலைமை தாங்கினர்.
  • படை திரட்டல்: 1780ஆம் ஆண்டு ஜூன் மாதம் ஒரு படை திண்டுக்கல்லிலிருந்து சிவகங்கை நோக்கிப் புறப்பட்டது. ஹைதர் அலி 5000 குதிரை வீரர்களையும், 5000 போர் வீரர்களையும், பீரங்கிப்படை ஒன்றையும் அனுப்பி வைத்தார்.
  • வேலுநாச்சியாரின் படைகள் வைகை ஆற்றின் வழியில் சோழவந்தான், சிலைமான், திருப்புவனம், முத்தனேந்தல் நகரங்களை வென்று, மானாமதுரை நகரத்தில் போர் பயிற்சி பெறாத மக்களின் துணைகொண்டு அன்னிய பரங்கியர்களை வெற்றிக்கொண்டனர்.
  • அதன் பிறகு ராணி வேலுநாச்சியார் சிவகங்கை சீமையின் முதல் ராணியாக முடிசூட்டப்பட்டார்.
  • பெரும் போராட்டங்களை நடத்தி நாட்டை மீட்ட வேலுநாச்சியார் 25.12.1796இல் மறைந்தார்.
  • இவர் இந்தியாவின் முதல் பெண் விடுதலைப் போராட்ட வீராங்கனை ஆவார்.

மருதுபாண்டியர்

  • கி.பி. 1780 முதல் 1801 வரை சிவகங்கைச் சீமையை ஆண்டவர்கள் மருதுசகோதரர்கள் ஆவார். சின்னமருது, பெரியமருது என அழைக்கப்படும் இவர்களின் புரட்சிக் கோட்டையாக ‘காளையார் கோவில்’ விளங்கியது.
  • இவர்கள் சிவகங்கை மன்னரான ‘முத்து வடுகநாத தேவர்’ அரசவையில் முதலில் சாதாரண ஊழியர்களாகப் பணியில் சேர்ந்தனர். மன்னர் குடும்பத்தின் நம்பிக்கையினைப் பெற்றனர்.
  • 1712இல் கர்நாடக நவாபின் ஆதிக்கம் நிலைபெற ஆற்காடு ஆங்கிலேயக் கூட்டுப்படையானது சிவகங்கையில் புகுந்தது. அப்போது மருது பாண்டியர்கள் அப்படையை எதிர்த்துப் போர் புரிந்தனர். போர் நடைப்பெற்றபோதே மன்னர் இறந்துவிட்டார்.
  • மன்னர் குடும்பத்தை மருதுபாண்டியர்கள் காப்பாற்றினர். பின்னர் மறைந்த மன்னரின் மனைவி ‘வேலுநாச்சியார்’ ஆட்சிக்கு வந்தார்.
  • வேலுநாச்சியாருக்குப்பின் இளவரசி ‘வெள்ளைச்சி அம்மாள்’ பெரியஉடையத் தேவரை மணந்ததால் அவர் சிவகங்கை மன்னர் ஆனார். அப்போது மருதுபாண்டியர் இருவரும் அமைச்சர்களாகப் பதவியேற்றனர்.
  • கூட்டிணைப்பு: ஆங்கிலேயர்களுக்கு எதிரான புரட்சியில் அனைவரும் இணைந்து செயல்பட மருதுசகோதரர்கள் ஒரு ‘சிவகங்கைக் கூட்டிணைப்பை’ உருவாக்கினர். 
    • இக்கூட்டமைப்பில் இராமநாதபுரம் பகுதியினைச் சேர்ந்த வேலப்பன், முத்துக்கருப்பதேவர், சிங்கம்செட்டி போன்றோரும், சிவகிரியின் மாப்பிள்ளை வன்னியனும் இடம்பெற்று இருந்தனர்.
    • மருதுபாண்டியரின் இக்கூட்டிணைப்புக்கு கட்டபொம்மனின் ‘திருநெல்வேலி கூட்டிணைப்பும்’, கோபாலனின் ‘திண்டுக்கல் கூட்டிணைப்பும்’ ஆதரவு நல்கின.
    • திருநெல்வேலி கூட்டிணைப்பில் பாஞ்சாலங்குறிச்சி, சாத்தூர், குளத்தூர், நாகலாபுரம், மன்னார் கோட்டை, கோலார் பட்டி, கடல்குடி, ஏழாயிரம் பண்ணை, சென்னல்குடி ஆகிய பாளையங்கள் இருந்தன.
    • திண்டுக்கல் கூட்டிணைப்பில் தாராபுரம், தேவதானம், கரூர், கன்னிவாடி, காங்கேயம், கொழுமம், சங்ககிரி, மணப்பாறை ஆகிய பகுதிகள் இருந்தன.
  • திருச்சிராப்பள்ளி அறிக்கை (1801): 
    • மருதுபாண்டியர் ஆங்கிலேயருக்கு எதிரான விடுதலைப்போரில் இந்தியமக்கள் அனைவரும் ஈடுபடவேண்டும் என்ற நோக்கில் இந்த அறிக்கையை வெளியிட்டனர்.
    • அனைத்து மக்களும் விடுதலைப் போரில் ஈடுபட வேண்டும் என்றும், இவ்வறிக்கை ஒவ்வொருவரும் படித்து அனைவருக்கும் எடுத்துக் கூற வேண்டும் என்றும் வலியுறுத்தப்பட்டது.
    • ஆங்கிலேயரைச் சுற்றி துதிபாடும் சதிகார சிற்றரசர்களைக் கடுமையாகக் கண்டித்தது.
    • அன்னியர் வரவால் நாடு வளம் சுருங்கி, நலம் கெட்டுப்போவதை எடுத்துக்காட்டி தூங்கும் மக்களைத் தட்டி எழுப்பியது.
    • விளைவுகள்: நாட்டுப்பற்றுக் கொண்ட நல்லோர்கள் ஒன்று சேர்ந்தார்கள். திருப்பத்தூர், திருப்புவனம், திருச்சுழி, பந்தல்குடி ஆகிய இடங்களில் கிளர்ச்சிகள் நடைபெற்று கிளர்ச்சியாளர்கள் வசமாயின. கர்னர் அக்னு தலைமையில் செயல்பட்ட ஆங்கிலப்படை கடுமையான போருக்குப்பின் அப்பகுதிகளை மீட்டது.
    • காளையர் கோயிலில் கடும்போர் ஏற்பட்டது. மருதுபாண்டியரின் கொரில்லாத் தாக்குதலுக்குமுன் ஆங்கிலப்படை தாக்குப் பிடிக்காமல் பின்வாங்கியது.
  • ஆங்கிலேயரின் சூழ்ச்சி: வெள்ளையர் வெற்றிப் பெறுவது கடினம் எனக் கருதி, சிவகங்கை அரசகுடும்பத்தைச் சேர்ந்த உடையத் தேவரை அப்பகுதியின் உன்னராக்குவதாகக் கூறி கிளர்ச்சியாளர்களைப் பிளவடையச் செய்தனர். இதனால் மருதுபாண்டியர் ஆதரவாளர்கள் பிளவுபட்டு, ஆங்கிலேயர்கள் வலிவும் பொலிவும் பெற்றனர்.
  • மருதுபாண்டியர் இறத்தல்: 
    • ஆங்கிலேயரின் பெரும்படை காளையர்கோயில் நோக்கிப் புறப்பட்டது. அக்கோட்டையினை 1801ஆம் ஆண்டு அக்டோபர் திங்களில் கைப்பற்றினர்.
    • அதே ஆண்டு அதே திங்களில் 19ஆம் நாள் சோழபுரத்தில் மருதுபாண்டியர்களுக்கும், ஆங்கிலேயர்களுக்கும் இறுதிப்போர் ஏற்பட்டது.
    • மருதுசகோதரர்கள் ஆங்கிலேயரிடம் கைதிகளாயினர். அவர்களோடு ஆதரவாளர்களும் கைதிகளாயினர்.
    • திருப்பத்தூர் கோட்டையில் மருதுபாண்டியர், கோபாலன் உள்பட 73 பேர் தூக்கிலிடப்பட்டனர்.

இந்திய விடுதலைப் போராட்டத்தில் தமிழ்நாடு

  • இந்திய விடுதலைப் போராட்டத்தில் தமிழ்நாடு மிக முக்கிய பங்காற்றியது. பூலித்தேவன், கட்டபொம்மன், மருதுசகோதரர்கள், வேலுத்தம்பி போன்ற தலைவர்கள் தேசப்பற்று, தைரியம், சுயமரியாதை மற்றும் தியாகத்திற்குப் பெயர் பெற்றவர்கள்.
  • ஜி. சுப்பிரமணிய அய்யர், வ.உ.சிதம்பரம்பிள்ளை, சுப்பிரமணிய பாரதி, சி.ராஜகோபாலாச்சாரி, பெரியார் இ.வெ.ராமசாமி, திருப்பூர் குமரன், கே.காமராஜ் போன்ற தலைவர்களும், அறிஞர்களும், சமூக சீர்திருத்தவாதிகளும் சுதந்திரப் போராட்டத்தில் பங்கெடுத்தனர்.

வேலூர் கலகம் (1805)

  • காரணங்கள்: ஆங்கிலேயர்கள் இராணுவத்தில் புகுத்திய சில கட்டுப்பாடுகள் (இந்து வீரர்கள் சமயக் குறிகளை இடக்கூடாது, முஸ்லிம் வீரர்கள் தாடி மீசைகளை சுத்தமாக வைத்துக் கொள்ளவேண்டும்) ராணுவ வீரர்களிடையே கடும் கோபத்தை ஏற்படுத்தின. திப்புவின் பிள்ளைகளை ஆங்கிலேயர்களுக்கு எதிராகக் கிளர்ச்சியில் ஈடுபடத் தூண்டினர்.
  • நிகழ்வுகள்: 
    • 9.7.1806இல் வேலூர் கோட்டையில் நடைப்பெற்ற திருமணத்தில் கலந்துகொள்ள வீரர்கள் கூடினர்.
    • நள்ளிரவில் இங்கு கூடியிருந்த வீரர்கள் கிளர்ச்சியில் ஈடுபட்டு ஆங்கிலேயர்களைத் தாக்கி ஜீலை 10ஆம் நாள் கோட்டையைக் கைப்பற்றினர்.
    • திப்புவின் கொடி வேலூர் கோட்டையில் ஏற்றப்பட்டு, திப்புவின் இரண்டாவது மகன் பதேக் ஹைதர் அரசராக அறிவிக்கப்பட்டார்.
    • இருப்பினும் இக்கிளர்ச்சி ஆங்கிலேயர்களால் அடக்கப்பட்டது.

சென்னை மகாஜன சபை

  • சென்னை மாகாணத்தில் மக்கள் உரிமைகளை நிலைநாட்டப் படுத்தப்பட்ட முதல் அமைப்பு ‘சென்னை சுதேசி சங்கம்’ ஆகும். இதனை 1852இல் ஹார்லி, இலஷ்மி நரசுச்செட்டி மற்றும் சீனிவாசப்பிள்ளை ஆகியோர் நிறுவினர்.
  • 1884இல் சென்னை சுதேசிசங்கம், ‘சென்னை மகாஜன சபையுடன்’ இணைக்கப்பட்டது.
  • எஸ்.இராமசாமி முதலியார், பி.அனந்தாசாகுலு, இரங்கய்யா நாயுடு ஆகியோர் இதனை ஏற்படுத்தினர். சென்னை மகாஜன சபையின் முதல் தலைவராக பி.இரங்கையா நாயுடு தேர்ந்தெடுக்கப்பட்டார்.
  • சென்னை மகாஜன சபை சுதந்திரப் போராட்டத்தில், இந்திய மக்களின் அடிப்படை உரிமைகளுக்காகக் குரல் எழுப்பியது. 1920இல் இந்திய தேசிய காங்கிரசுடன் இணைந்து செயல்பட்டது.
  • 22.4.1930இல் உப்புச் சத்தியாகிரகப் போராட்டத்தை சென்னையில் ஜார்ஜ் டவுன், யானைக்கவுனி, உயர்நீதிமன்றம் மற்றும் கடற்கரைப் பகுதியில் தலைமை ஏற்று நடத்தியது.
  • பல்வேறு அனைத்திந்திய கைத்தறி கண்காட்சி, சுதேசி பொருள்கள் கண்காட்சி மூலம் மக்கள் மனதில் தேசியப்பற்றை வளர்த்தது.
  • 24.10.1896இல் ‘தேசத்தந்தை மகாத்மா காந்தி’ சென்னை மகாஜன சபையில் உரையாற்றினார்.

வ.உ.சிதம்பரம்பிள்ளை

  • தூத்துக்குடி மாவட்டத்தில் உள்ள ஒட்டப்பிடாரம் என்னும் ஊரில் 5.9.1872இல் பிறந்தார். ‘செக்கிழுத்த செம்மல்’ என்றும், ‘கப்பலோட்டி தமிழன்’ என்றும் அழைக்கப்பட்டார்.
  • திருநெல்வேலியில் வழக்குரைஞராகத் தமது வாழ்க்கையைத் தொடங்கினார். வியாபாரச் சங்கம் மற்றும் தொழிலாளர்கள் அமைப்பினை ஊக்குவித்தார்.
  • சுதேசி தர்ம சங்க நெசவாளிகள் சங்கம் மற்றும் சுதேசி கூட்டுறவு அங்காடிகளைத் தூத்துக்குடியில் தோற்றுவித்தார்.
  • பின்னர், சுதேசி கப்பல் நிறுவனத்தைத் தோற்றுவித்து, தூத்துக்குடி – கொழும்பு இடையே கப்பல் போக்குவரத்தைத் துவங்கினார்.
  • 1905இல் மேற்கொள்ளப்பட்ட வங்காளப் பிரிவினை இவரை அரசியலில் ஈடுபடச் செய்தது. தூத்துக்குடி அருகில் பவள ஆலை வேலை நிறுத்தப் போராட்டத்தில் ஈடுபட்டார்.
  • 1907இல் சூரத்தில் நடைபெற்ற காங்கிரஸ் மாநாட்டில் கலந்துகொண்டு பாலகங்காதர திலகரை ஆதரித்தார்.
  • இவர்மீது தேசத்துரோகக் குற்றம் சுமத்தப்பட்டு 40 ஆண்டுகள் சிறைத் தண்டனை விதிக்கப்பட்டது. இவருடைய வலதுகால் சங்கிலியால் கோர்க்கப்பட்டு மாடுபோல் சிறையில் செக்கிழுத்தார்.

சுப்பிரமணிய சிவா

  • திண்டுக்கல் மாவட்டத்தில் வத்தலக்குண்டு கிராமத்தில் பிறந்தார். இவர் ஒரு சிறந்த விடுதலைப் போராட்ட வீரராகவும், சிறந்த எழுத்தாளராகவும் விளங்கினார்.
  • ஆங்கிலேயருக்கு எதிரான நடவடிக்கைகளில் ஈடுபட்டதால் 1908இல் சிறையில் இருந்தபோது தொழுநோயால் பாதிக்கப்பட்டார்.
  • ஆங்கில அரசு இவருக்காகவே தொழுநோயாளிகள் இரயிலில் பயணம் செய்யக்கூடாது என்று சட்டம் ஒன்றைக் கொண்டு வந்தது. இதன் விளைவாக சுப்பிரமணிய சிவா உடல் முழுவதும் தொழுநோய் புண்களுடன் தமிழகம் முழுவதும் நீண்ட நடைப் பயணமாகவே சுற்றி வந்தார்.
  • தனது நோயின் காரணமாக 23.7.1925இல் காலமானார்.

சுப்பிரமணிய பாரதியார்

  • திருநெல்வேலி மாவட்டத்தில் உள்ள எட்டயபுரத்தில் 11.12.1882இல் பிறந்தார்.
  • சுதேசமித்ரன் பத்திரிகையின் உதவி ஆசிரியராகப் பணியாற்றினார். 1907இல் சூரத்தில் நடைபெற்ற காங்கிரஸ் மாநாட்டில் கலந்துகொண்டார்.
  • பாலகங்காதர திலகர் மற்றும் அரவிந்தகோஷுடன் சேர்ந்து சுயராஜ்ஜியத்திற்கு ஆதரவாகச் செயல்பட்டார்.
  • 1907இல் தமிழ் வாரப் பத்திரிக்கையான ‘இந்தியா’ பத்திரிகையின் ஆசிரியரானார். அதே சமயத்தில் ‘பாலபாரதம்’ என்ற ஆங்கிலப் பத்திரிகையை வெளியிட்டார்.
  • 1908இல் சென்னையில் மாபெரும் கூட்டத்தை நடத்தி, சுயராஜ்ஜிய நாளை கொண்டாடினார். அவரது பாடல்களான ‘வந்தே மாதரம், அச்சமில்லை அச்சமில்லை, எந்தையும் தாயும்’ போன்றவை அச்சிடப்பட்டு தமிழ் மக்களுக்கு இலவசமாக வழங்கப்பட்டது.
  • 1908இல் வ.உ.சி.க்கு எதிராக ஆங்கில அரசு தொடர்ந்த வழக்கில், வ.உ.சி.க்கு ஆதரவாக சாட்சி வழங்கினார். இதனால் ஆங்கில அரசு அவரைக் கைது செய்ய ஆணை பிறப்பித்தது.
  • பாரதியார் பிரெஞ்சுக்காரர்களின் கட்டுப்பாட்டில் இருந்த புதுவைக்குத் தப்பி ஓடினார். அங்கிருந்து தனது படைப்பினைத் தொடர்ந்து வெளியிட்டார். ஆனால் ஆங்கில அரசு 1909இல் பாரதியின் படைப்புகளுக்குத் தடை விதித்தது.
  • முதல் உலகப்போருக்குப் பிறகு நவம்பர் 1918இல் கடலூருக்கு வந்த சமயத்தில் கைது செய்யப்பட்டார். மூன்று வார காவலுக்குப் பிறகு விடுவிக்கப்பட்டார்.
  • சென்னையில் இருந்து ‘சுதேசமித்ரன் பத்திரிகையின்’ ஆசிரியராக மீண்டும் பணியாற்றினார். 11.9.1921இல் காலமானார்.

வாஞ்சிநாதன்

  • திருவிதாங்கூர் சமஸ்தானத்தில் பணியாற்றினார்.
  • திருநெல்வேலி மாவட்ட ஆட்சியாளராக இருந்த ஆஷ் என்பவர் நான்கு பேரைத் திருநெல்வேலியில் சுட்டுக் கொன்றார்.
  • இக்கொடுஞ்செயலுக்குப் பழிதீர்க்க எண்ணிய வாஞ்சிநாதன், மணியாச்சி புகைவண்டி நிலையத்திற்குச் சென்று 17.6.1911இல் மாவட்ட ஆட்சியர் ஆஷ் அவர்களைச் சுட்டுக் கொன்றுவிட்டு, தாமும் தற்கொலை செய்துகொண்டார்.
  • வாஞ்சிநாதன் இறந்தபின் அவர் சட்டைப்பையில் இருந்த கடிதத்தில், ஆட்சியர் ஆஷின் கொலை சென்னை வரும் அரசர் ஐந்தாம் ஜார்ஜை கொலை செய்வதற்கான ஒத்திகையே ஆகும் என்று எழுதப்பட்டு இருந்தது.

தியாகி விஸ்வநாததாஸ்

  • திரைப்படம் வராத அந்தக்காலத்தில் மேடை நாடகத்தைக் கொண்டு மக்கள் உள்ளங்களில் விடுதலைக் கனலை வளர்த்த நாடக நடிகர் தியாகி விஸ்வநாததாஸ் ஆவார்.
  • இவர் நாடகங்களில் மக்களுக்கு விடுதலை உணர்வைத் தூண்டும் பாடல்கள் பல அமைந்து இருந்தன.
  • ‘கொக்கு பறக்குதடி பாப்பா, வெள்ளைக் கொக்கு பறக்குதடி பாப்பா’ என்ற பாடல் புகழ் பெற்றது.
  • வ.உ.சி. அவர்கள் ஓட்டிய சுதேசிக் கப்பலைக் ‘கதர்க் கப்பல் வருகுதே’ என்று பாடிய பாடல் தேசிய சிந்தனையை ஊட்டுவதாக அமைந்தது.
  • இவர்தம் நாடகங்களின் மூலம் வசூலாகும் பணத்தைச் சுதந்திரப் போராட்டத்துக்கு அர்ப்பணித்து வாழ்ந்தார்.

திருப்பூர் குமரன்

  • ஈரோடு மாவட்டத்தில் சென்னிமலையில் 1904இல் பிறந்தார். இவர் மாபெரும் கிளர்ச்சியாளர்.
  • தேசியக்கொடித் தடைக்கு எதிரான கிளர்ச்சியில் ஈடுபட்டு காவல் துறையினரின் தாக்குதலால் உயிர் துறந்தார்.
  • சாகும் தருவாயில் தேசியக் கொடியைக் கையில் ஏந்தியபடி தனது தேசப்பற்றை வெளிப்படுத்தினார்.
  • இவர் தமிழக வரலாற்றில் ‘கொடிகாத்த குமரன்’ என்று போற்றப்படுகிறார்.

எஸ். சத்தியமூர்த்தி

  • காமராசரின் அரசியல் குருவான சத்தியமூர்த்தி ஒரு சிறந்த அரசியல்வாதி, நாட்டுப் பற்றாளர்.
  • 1930இல் இராஜகோபாலாச்சாரியார் தனக்குப்பின் சத்தியமூர்த்தியை அகில இந்தியக் காங்கிரஸ் தமிழ்நாட்டுப் பிரிவின் தலைவர் ஆக்கினார்.
  • 19.8.1887இல் சென்னை மாகாணத்தில் உள்ள திருமயம் என்னும் ஊரில் பிறந்தார். வழக்கறிஞராகத் தன் வாழ்க்கையைத் தொடங்கினார்.
  • 1939இல் சென்னை மேயராக இருந்தபோது சென்னையில் மிக மோசமான குடிநீர் பஞ்சம் நிலவியது. மக்களின் குடிநீர் பஞ்சத்தைப் போக்குவதற்காக சென்னைக்கு மேற்கே 50கி.மீ தூரத்தில் உள்ள பூண்டி என்னும் இடத்தில் ஒரு குடிநீர்த் தேக்கம் கட்டுவதற்கான ஏற்பாடுகளைச் செய்தார்.
  • இக்குடிநீர்த்தேக்கம் பின்னர் காமராசர் அவர்களால் திறந்து வைக்கப்பட்டது. சத்தியமூர்த்தியை நினைவுக்கூறும் வகையில் ‘சத்தியமூர்த்தி சாகர்’ என்று இந்த நீர்த்தேக்கத்திற்குப் பெயரிடப்பட்டது.
  • சுதேசி இயக்கம், வெள்ளையனே வெளியேறு இயக்கம் போன்ற இயக்கங்களில் பங்கேற்று, பலமுறை சிறை சென்றுள்ளார்.
  • இந்திய விடுதலைக்காகவும், சமுதாய நீதிக்காகவும், மக்கள் நலனுக்காகவும் தன் வாழ்வையே அர்ப்பணித்த சத்தியமூர்த்தி அவர்கள் 28.3.1943இல் காலமானார்.

இராஜகோபாலாச்சாரி

  • இராஜாஜி என்று புகழப்பெற்ற இராஜகோபாலாச்சாரி 10.12.1878இல் தொரப்பள்ளி என்ற கிராமத்தில் பிறந்தார். சட்டம் பயின்று வழக்கறிஞராக சேலத்தில் தன் வாழ்க்கையைத் தொடங்கினார்.
  • காந்தியின் தீவிர ஆதரவாளர் ஆனார். 1930இல் வேதாரண்யம் சத்தியாகிரகத்தைத் தலைமை ஏற்று நடத்தினார். திருச்சியில் இருந்து 100 தொண்டர்களுடன் வேதாரணியத்திற்குப் பயணம் மேற்கொண்டு, கடல் நீரில் இருந்து உப்பு காய்ச்சி உப்புச் சட்டங்களை மீறினார்.
  • 1939இல் நடைபெற்ற மாநிலத் தேர்தலில் போட்டியிட்டு சென்னை மாகாண முதலமைச்சர் ஆனார். தனது ஆட்சிக்காலத்தில் மதுவிலக்கை அமுல்படுத்தினார். இந்திமொழியை கட்டாயப் பாடமாக பள்ளிகளில் அறிமுகப்படுத்தினார்.
  • இரண்டாவது உலகப்போரின்போது ஆங்கில அரசு இந்தியத் தலைவர்களைக் கலந்தாலோசிக்காமல் இந்தியாவைப் போரில் ஈடுபடுத்தியதைக் கண்டித்து, 1939இல் தனது முதலமைச்சர் பதவியை இராஜினாமா செய்தார்.
  • சுதந்திர இந்தியாவின் ‘முதல் இந்திய கவர்னர் ஜெனரலாக’ பொறுப்பேற்றார். மீண்டும் தமிழக முதலமைச்சராக 1952இல் பதவி ஏற்றார்.
  • தமிழகத்தில் ‘குலக்கல்வித் திட்டத்தை’ அறிமுகப்படுத்தினார், ஆனால் காமராஜர் மற்றும் பெரியார் கடும் எதிர்ப்பு தெரிவித்ததால் 1954இல் தனது முதலமைச்சர் பதவியை இராஜினாமா செய்தார். பின்னர் காங்கிரசில் இருந்தும் வெளியேறினார்.
  • சுதந்திரக் கட்சியைத் தோற்றுவித்து ‘இளம் இந்தியா’ என்ற பத்திரிகையை நடத்தினார்.
  • ‘சக்கரவர்த்தி திருமகன் (இராமாயணம்), வியாசர் விருந்து (மகாபாரதம்)’ போன்றவை இவர் எழுதிய உரைநடை நூல்கள் ஆகும்.
  • 1955இல் இவருக்கு ‘பாரத ரத்னா விருது’ வழங்கப்பட்டது. இவர் 25.12.1972இல் காலமானார். இவருடைய அரசியல் தந்திர செயல்களால் ‘சாணக்கியர்’ எனப் போற்றப்படுகிறார்.

காமராஜர்

  • விருதுபட்டி என்று அழைக்கப்பட்ட விருதுநகரில் 15.7.1903இல் காமராஜர் பிறந்தார்.
  • 1924இல் ‘வைக்கம் சத்தியாகிரகம்’ போராட்டத்தில் ஈடுபட்டதின் மூலம் சுதந்திரப்போராட்ட இயக்கத்தில் தன்னை ஈடுபடுத்திக்கொண்டார்.
  • 1930இல் காந்தியடிகள் சட்டமறுப்பு இயக்கத்தைத் தொடங்கியபோது தமிழகத்தில் இராஜாஜியுடன் சேர்ந்து வேதாரண்ய உப்புச்சத்தியாகிரகத்தை மேற்கொண்டார். இதனால் கைதுச் செய்யப்பட்டு இரண்டாண்டுகள் சிறைத்தண்டனை விதிக்கப்பட்டார்.
  • 1942இல் ‘வெள்ளையனே வெளியேறு’ இயக்கத்தில் ஈடுபட்ட நிலையில், மீண்டும் கைது செய்யப்பட்டு 3 ஆண்டுகள் அமராவதி சிறையில் அடைக்கப்பட்டார்.
  • 1947இல் இந்தியா விடுதலை அடைந்தபோது சத்தியமூர்த்தியின் வீட்டில் ‘இந்திய தேசியக் கொடியை’ ஏற்றினார்.
  • காமராஜர் தமிழக முதலமைச்சராக 9 ஆண்டுகள் பணியாற்றினார். மதிய உணவுத்திட்டம், புதிய பள்ளிகளைத் திறந்தது, இலவச கல்வி வழங்குதல், வேளாண்மையை மேம்படுத்துதல், கால்வாய்களை வெட்டுதல், அணைகளைக் கட்டுதல் மற்றும் புதிய தொழிற்சாலைகளை அமைத்தல் போன்ற நடவடிக்கைகளை மேற்கொண்டார்.
  • தேசிய அரசியலில் முக்கியப் பங்கு வகித்தார். இதனால் ‘அரசை உருவாக்குவர்’ எனப் போற்றப்பட்டார்.
  • லால்பகதூர் சாஸ்திரியை 1964இல் இந்தியப் பிரதமராகவும், அவரது மறைவிற்குப் பிறகு இந்திரா காந்தியை 1966இல் இந்தியப் பிரதமராகவும் உருவாக்கியதில் முக்கியப் பங்கு வகித்தார்.
  • ‘காமராஜர் திட்டம்’ என்ற திட்டத்தின்படி கட்சிப் பணிக்காகத் தனது பதவியை இராஜினாமா செய்தார்.
  • 2.10.1975இல் காலமானார். இவரை மக்கள் அன்போடு ‘பெருந்தலைவர்’ என்றும் ‘கர்மவீரர்’ என்றும் அழைத்தனர்.
  • பாளையக்காரர்கள் ஆட்சிமுறை குறித்து விவரி. 

பாளையக்காரர்கள்

  • கி.பி. 17 மற்றும் 18ஆம் நூற்றாண்டுகளில் தமிழகம் எங்கும் ‘பாளையப்பட்டு ஆட்சிமுறை’ இருந்தது.
  • திருமலை நாயக்கர் காலத்தில் மதுரை நாட்டில் மட்டும் 72 பாளையப்பட்டுகள் இருந்தன. திருநெல்வேலி, மதுரை, இராமநாதபுரம், தஞ்சாவூர், திருச்சிராப்பள்ளி, திண்டுக்கல், கோயம்புத்தூர் ஆகிய பகுதிகளில் பாளையக்காரர்கள் அதிகம் இருந்தனர்.
  • பாளையப்பட்டு ஆட்சி முறை: 
    • பாளையக்காரர்களின் உள்நாட்டு ஆட்சியில் நாயக்கர் அரசோ, பிற அரசுகளோ தலையிடுவதில்லை.
    • நாட்டுப்படை, காவற்படை வருவாய், நீதி ஆகியவற்றைத் தங்கள் கட்டுப்பாட்டில் வைத்திருந்தனர்.
    • அரசுக்கோ அல்லது பேரரசுக்கோ உரிய தண்டல் தொகையையும், தேவைப்படும்போது படை உதவியும் அளிப்பது இவர்களுக்குரிய கடமையாக இருந்தது.
  • பாளையங்களின் அதிகார வரம்புகள் 3 வகைகளாகப் பகுக்கப்பட்டிருந்தன: நிதித்துறை, நீதித்துறை, இராணுவம். 
    • நிதித்துறை: குடிமக்களிடம் இருந்து வரி வசூலிக்கும் முழுப்பொறுப்பும் பாளையக்காரர்களிடம் இருந்தது. வசூலித்த வரியில் மூன்றில் ஒரு பங்கை மைய அரசுக்கும், மற்றொரு பங்கைத் தம்மிடம் உள்ள இராணுவத்திற்கும், மீதமுள்ள பங்கைச் சொந்த நிர்வாகச் செலவிற்கும் பகிர்ந்து அளிக்குமாறு நாயக்கர் அரசால் நெறிப்படுத்தப்பட்டிருந்தனர்.
    • நீதித்துறை: பாளையப் பகுதிக்குள் கொண்டு வரப்படும் அனைத்து வழக்குகளுக்கும் நீதி வழங்கும் தலைமை நீதிமன்றமாகப் ‘பாளையக்காரர்கள்’ விளங்கினர்.
    • இராணுவம்: பாளையங்கள் தாங்கள் வசூல் செய்யும் வரியில் மூன்றில் ஒரு பங்கை இராணுவத்திற்குச் செலவிடும் உரிமைப்பெற்று இருந்தனர். ஆபத்துக் காலங்களில் படை உதவி அளித்தவர்களுக்கு வரிக்கட்டுவதில் இருந்து விலக்கு அளிக்கப்பட்டது.

பாளையக்காரர் முறை ஒழிப்பு: கி.பி. 1801இல் சென்னை கவர்னர் எடவாட கிளைவ், பாளையக்காரர் முறைக்கு முற்றுப்புள்ளி வைத்து ஆணை பிறப்பித்தார். பின்னர் பாளையக்காரர்கள் ‘ஜமீன்தார்கள்’ எனப் பெயர் பெற்றனர்.

 

wpChatIcon
error: Content is protected !!